گوگل نیوز پر ہمیں فالو کریںکینبرا: آسٹریلوی کپتان ایرون فنچ نے بین الاقوامی کرکٹ سے ریٹائرمنٹ کا اعلان کردیا۔
ایرون فنچ نے بین الاقوامی کرکٹ سے ریٹائرمنٹ کا اعلان کرتے ہوئے کہا کہ مجھے احساس ہواکہ میں اگلے سال کے ٹی 20 ورلڈ کپ تک نہیں کھیل سکوں گا اور ریٹائر ہونے کا یہی درست وقت ہے تاکہ ٹیم کے مستقبل کی تیاری ہو سکے۔
ایرون فنچ کی کپتانی میں آسٹریلیا نے 2021 میں پہلی بار ٹی ٹوئنٹی ورلڈکپ جیتا تھا لیکن وہ گزشتہ سال اپنے ہی ملک میں ہونے والے ورلڈکپ کو جیتنے میں ناکام رہے۔
پاکستان کی ثانیہ عالم کو ’برین آف دی ایئر‘ کے ایوارڈ سے نوازاگیا
انہوں نے 5 ٹیسٹ، 146 ایک روزہ میچز اور 103 ٹی 20 بین الاقوامی میچز میں آسٹریلیا کی نمائندگی کی، انہوں نے مجموعی طور پر 8 ہزار 804 رنز بنائے اور ان کے انٹرنیشنل کیریئر میں 17 ایک روزہ اور 2 ٹی 20 سنچریاں بھی شامل ہیں۔
فنچ نے 76 ٹی 20 اور 55 ایک روزہ میچز میں آسٹریلیا کی کپتانی بھی کی جبکہ وہ گزشتہ سال ستمبر میں ایک روزہ کرکٹ سے ریٹائر ہوگئے تھے۔
