گوگل نیوز پر ہمیں فالو کریںکراچی کی انسداد دہشتگردی کی عدالت میں مصطفیٰ عامر قتل کیس کے مرکزی ملزم ارمغان کے خلاف صحافی پر حملے کے معاملے کا عبوری چالان پیش کیا گیا ہے۔ پولیس نے عدالت کو بتایا کہ یہ واقعہ 19 نومبر 2024 کو پیش آیا تھا۔
واقعے کی تفصیلات کے مطابق، ارمغان اپنی ویگو گاڑی میں تھا اور اس نے صحافی ندیم احمد خان کو روک کر ان سے تلخ کلامی کی۔ اس کے بعد ارمغان نے صحافی پر فائرنگ کی جس سے وہ شدید زخمی ہو گئے۔ حملے کے بعد ملزم موقع سے فرار ہو گیا۔
تحقیقات کے دوران ارمغان نے اپنے اس فعل کا اعتراف کیا اور عدالت کو بتایا کہ اس کا ارادہ صحافی کو ہلاک کرنے کا تھا۔ مقدمے میں مدعی نے بھی ارمغان کی شناخت کی ہے۔
پراسیکیوشن نے چالان میں آٹھ سے زائد گواہوں کے بیانات شامل کیے ہیں۔ عدالت نے عبوری چالان کو منظور کرتے ہوئے مقدمہ انسداد دہشتگردی کی خصوصی عدالت نمبر 15 کو منتقل کر دیا ہے تاکہ اس پر آگے کارروائی ہو سکے۔
