گوگل نیوز پر ہمیں فالو کریںایشیا کپ کا فائنل میچ بارش کے سبب تاخیر سے شروع ہوا، مگر جیسے ہی سری لنکا کی بیٹنگ شروع ہوئی، بھارتی بولرز نے سری لنکا کی ایک نہ چلنے دی اور سری لنکا پر پوری طرح حاوی رہے۔
بھارت کے خلاف سری لنکا کی ٹیم 15.2 اوورزمیں 50 رنزبناکرپویلین لوٹ گئی، بھارت کے بولر محمد سراج نے6 کھلاڑیوں کو آؤٹ کیا اور پانڈیا 3وکٹیں حاصل کرنے میں کامیاب ہوئے۔
سری لنکا نے بھارت کے خلاف ٹاس جیت کر پہلے بلے بازی کا فیصلہ کیا۔
ٹاس کے موقع پر کی جانے والی گفتگو میں بھارت کپتان روہت شرما نے کہا کہ ٹاس جیت جاتے تو ہم پہلے بیٹنگ کرتے،سری لنکن کپتان داسن شناکا کہنا تھا کہ پچ بیٹنگ کیلیے سازگار لگ رہی ہے۔
یہ میچ کولمبو میں کھیلا جارہا ہے جہاں آج بھی بارش کی پیشگوئی ہے، بارش ہونے کی صورت میں بقیہ میچ کل یعنی پیر کو ریزرو ڈے پر ہوگا۔
مزید پڑھیں:ایشیا کپ کا فائنل، سری لنکا کا بھارت کیخلاف ٹاس جیت کر بیٹنگ کا فیصلہ
اگر آج بھارت اور سری لنکا کے درمیان ہونے والے فائنل میں بارش رکاوٹ حائل کرتی ہے تو امپائرز کی اولین ترجیح مختصر کھیل کرانا ہوگی، فائنل کا نتیجہ حاصل کرنے کے لیے کم از کم دونوں ٹیموں کو 20 اوورز کھیلنا ضروری ہیں۔
