گوگل نیوز پر ہمیں فالو کریںاسٹاک ہوم: سویڈن میں درس و تدریس کے پیشے سے منسلک بھارتی پروفیسر اشوک سوائن کا کہنا ہے کہ نام نہاد بھارتی صحافیوں کو پاکستان سے سیکھنے کی ضرورت ہے۔
سماجی رابطے کی ویب سائٹ ٹوئٹر پر اپنے پیغام میں بھارتی پروفیسر اشوک سوائن نے پاکستان مسلم لیگ (ن) کی سینئر نائب صدر سے لیے گئے انٹرویو کی ویڈیو شیئر کردی۔
بھارتی پنجاب میں فوجی اڈے میں فائرنگ سے 4 اہلکار ہلاک
ویڈیو کے ساتھ پوسٹ کیے گئے اپنے ٹوئٹر پیغام میں بھارت کے نامور تجزیہ نگار پروفیسر اشوک سوائن نے کہا کہ بھارت کے نام نہاد مایہ ناز صحافیوں کو اپنے پاکستانی پڑوسیوں سے سیکھنے کی ضرورت ہے۔
قبل ازیں ن لیگ کی سینئر نائب صدر مریم نواز کے انٹرویو کی ویڈیو پاکستان میں بھی وائرل ہوئی۔ پروفیسر اشوک سوائن کا کہنا ہے کہ بھارتی صحافیوں کوسیکھنا ہوگا ملک کے سب سے طاقتور افراد کا انٹرویو کیسے کرتے ہیں۔
India’s so-called celebrated journalists need to learn from their Pakistani neighbors how to interview country’s most powerfuls! pic.twitter.com/7qrT9RgHm6
— Ashok (@ashoswai) April 10, 2023
خیال رہے کہ حال ہی میں مریم نواز کا انٹرویو معروف ٹی وی میزبان و سینئر صحافی منصور علی خان نے کیا تھا جس پر سوشل میڈیا پر طویل وقت تک بحث و تمحیص ہوئی۔
سوشل میڈیا پر انٹرویو کے کلپس وائرل ہو گئے جن میں 2010 اور 2011 ء میں مریم نواز کو تحفے میں ملنے والی گاڑی فروخت کرنے کے بارے میں سوال پوچھے گئے۔ مریم نواز نے کہا اس کو کاٹیں۔
ایک اور موقعے پر بھی مریم نواز نے ویڈیو کاٹنے کی درخواست کی۔ منصور علی خان نے عالمی میڈیا کو بتایا کہ انٹرویو کے دوران وہاں موجود 6 کے 6 کیمرے ہماری اپنی ٹیم کے تھے۔
