گوگل نیوز پر ہمیں فالو کریںپشاور: سابق اسپیکر قومی اسمبلی اسد قیصر نے کہا ہے کہ حکومت کی قانون سازی سابق وزیر اعظم نواز شریف کو ریلیف دینے کیلئے ہے۔ ہم الیکشن پر مذاکرات کیلئے تیار ہیں۔
تفصیلات کے مطابق نجی ٹی وی سے گفتگو کے دوران اسد قیصر نے کہا کہ حکومت کی جانب سے سپریم کورٹ پر براہِ راست حملہ ہوا، قانون سازی پر بات کی جاسکتی ہے جس کا یہ وقت حکومت کی بدنیتی کا مظہر ہے۔
مولا بخش چانڈیو کے بھائی کا انتقال، پی پی رہنماؤں کی تعزیت
گفتگو کے دوران سابق اسپیکر قومی اسمبلی نے کہا کہ حکومت ایک قدم آگے بڑھائے اور الیکشن کیلئے آمادہ ہو تو تحریکِ انصاف مذاکرات کیلئے تیار ہے تاہم حکومت وقت گزاری کی خواہش رکھتی ہے۔ الیکشن کی نہیں۔
سابق اسپیکر اسد قیصر نے کہا کہ ملک کو انتشار سے بچانے کیلئے آئینی ترمیم کیلئے بھی تیار ہیں تاہم ملک کا آئین خطرے سے دوچار ہے، اس کا تحفظ عدالتِ عظمیٰ کا فرض ہے۔ حکومت میں آگئے تو کسی کے خلاف انتقامی کارروائی نہیں کریں گے۔
اسد قیصر نے کہا کہ عمران خان نے تو واضح کیا کہ ان پر ہونے والا حملہ بھی معاف کردیا جائے گا۔ ہم نے ٹرتھ اینڈ ری کنسیلی ایشن کی بات کی۔ آئی ایم ایف اور دیگر معاہدوں پر سیاست نہ کرنے کی بات بھی ہوئی۔
