گوگل نیوز پر ہمیں فالو کریںکراچی: معروف اداکارہ سنبل اقبال کے کراچی کی عدالت نے قابلِ ضمانت وارنٹ گرفتاری جاری کردیے۔
کراچی کے جوڈیشل مجسٹریٹ جنوبی کی عدالت نے گواہی اور شواہد جمع نہ کرانے پر سنبل اقبال کے 10 ہزار روپے مالیت کے قابلِ ضمانت وارنٹ گرفتاری جاری کیے ہیں اور انہیں گرفتار کرکے 15 فروری کو پیش کرنے کا حکم جاری کردیا گیا ہے۔
ایف آئی اے حکام کا اس حوالے سے کہنا ہے کہ اداکارہ سنبل اقبال نے 2020 میں شکایت درج کرائی تھی جس کے بعد ندیم کیانی و دیگر کے خلاف پاکستان الیکٹرانک کرائم ایکٹ کے تحت کیس رجسٹرڈ ہے۔
ملزم کے وکیل کا کہنا ہے کہ اداکارہ نے ندیم کیانی و دیگر کے خلاف ایف آئی اے میں شکایت درج کرائی تھی اور ندیم کیانی نے کیس میں ضمانت کرارکھی ہے۔
مزید پڑھیں:نوازالدین صدیقی نے جائیداد کے تنازع پر اپنا گھر چھوڑ دیا
سنبل اقبال نے الزام لگایا تھا کہ ندیم کیانی و دیگر نے میرے خلاف سوشل میڈیا پر مہم چلائی ہے،ملزم کے وکیل نے کہا کہ اداکارہ سنبل اقبال گواہی کے لیے عدالت میں حاضری نہیں دے رہی ہیں۔
