گوگل نیوز پر ہمیں فالو کریںمالم جبہ میں پاکستان مسلم لیگ(ن) کے سینئر رہنما و صوبائی صدر انجینئر امیر مقام کی رہائش گاہ میں آگ لگ گئی ہے۔
سماجی رابطے کی ویب سائٹ ٹوئٹر پر اپنے پیغام میں مسلم لیگ (ن) خیبر پختونخواہ نے کہا کہ ن لیگی رہنما انجینئر امیر مقام کی رہائش گاہ میں آگ شارٹ سرکٹ کی وجہ سے لگی جس نے پورے بنگلے کو اپنی لپیٹ میں لے لیا۔
پیغام کے مطابق بنگلے میں سابق ڈپٹی اسپیکر فیصل کریم کنڈی اپنے مہمانوں کے ہمراہ ٹھہرے ہوئے تھے، تاہم انہیں مہمانوں سمیت بحفاظت نکال لیا گیا ہے۔
پاکستان مسلم لیگ ن کے صوبائی صدر انجنیئرامیرمقام کے رہائش گاہ واقع ملم جبہ میں شارٹ سرکٹ کی وجہ سے آگ بھڑک اٹھی۔
آگ نے پورے بنگلے کو لپیٹ میں لیاہے۔
بنگلے میں سابق ڈپٹی اسپیکر فیصل کریم کنڈی اپنے مہمانوں سمیت ٹہرے ہوے تھے تاہم ان کو مہمانوں سمیت بحاظت نکال دیا گیا ہے pic.twitter.com/MXkmDdj7qu
— PMLN KPK Official (@PmlnKPOfficial) August 30, 2020
دوسری جانب ن لیگ کے سینئر مرکزی رہنما و سابق وزیرِ داخلہ احسن اقبال نے حادثے کے بعد اللہ کا شکر ادا کرتے ہوئے کہا کہ مجھے حادثے کا افسوس ہے مگر شکر ہے کہ کوئی جانی نقصان نہیں ہوا۔
حادثہ پہ دکھ ہوا مگر اللہ کا شکر ہے کہ کوئی جانی نقصان نہیں ہوا- https://t.co/GV8YGurZQ5
— Ahsan Iqbal (@betterpakistan) August 30, 2020
یہ بھی پڑھیں: کیلیفورنیا کے جنگلات میں آگ پر قابو نہ پایا جاسکا
