گوگل نیوز پر ہمیں فالو کریںایمازون پرائم نے اشتہاری اداروں کے لیے ایک نئی مصنوعی ذہانت سے چلنے والی اسٹریمنگ اشتہاری سہولت متعارف کرائی ہے۔
اس نئی سہولت کے ذریعے مشتہرین اب ایسے اشتہارات دکھا سکیں گے جو صارف کے دیکھے جانے والے مناظر کے مطابق ہوں، یعنی جب ویور کوئی منظر روکیں گے (pause کریں گے)، تو اسی سیاق و سباق سے جڑا اشتہار نمودار ہوگا، جو نہ صرف غیر مداخلت انداز میں ہوگا بلکہ ناظر کی دلچسپی سے بھی ہم آہنگ ہوگا۔
اس کے ساتھ ہی Amazon نے نئے “انٹرایکٹو اشتہاری فارمیٹس” بھی متعارف کرائے ہیں جن میں خاص طور پر توجہ “شاپ ایبل اشتہارات” پر دی گئی ہے۔ ان اشتہارات میں Amazon اسٹور کی حقیقی وقت کی معلومات جیسے قیمت، ڈیلز، صارفین کے ریویوز، پرائم شپنگ کی تفصیل وغیرہ شامل ہوں گی۔ ان کا مقصد ناظرین کو براہ راست خریداری پر مائل کرنا ہے۔
130 ملین ماہانہ ناظرین
Prime Video پر اشتہارات کے ساتھ دیکھنے والے امریکی صارفین کی تعداد ماہانہ 130 ملین سے زیادہ ہے اور چونکہ 88 فیصد ویورز پہلے ہی Amazon پر خریداری کرتے ہیں، اس لیے Amazon Ads کو یہ منفرد برتری حاصل ہے کہ وہ براہ راست اور مخصوص صارفین تک پہنچ سکتا ہے۔
مصنوعی ذہانت سے لیس اشتہارات
نیا AI فیچر ویڈیو مواد اور اشتہار کی تخلیقی نوعیت کو جانچ کر فوری طور پر ایسا اشتہار تیار کرتا ہے جو اس لمحے کی اسکرین پر موجود منظر کے مطابق ہو، گویا وہ اس کا فطری تسلسل ہو، جس سے ویڈیو کانٹینٹ پر اس پاز کے دوران کوئی خلل نہیں پڑتا۔
ریئل ٹائم کی شاپ ایبل خصوصیات
ناظرین اشتہارات میں دکھائی جانے والی اشیاء کے بارے میں ریئل ٹائم میں جان سکیں گے کہ وہ Amazon پر کس قیمت میں دستیاب ہیں، کون سی ڈیلز چل رہی ہیں، اسٹاک میں ہیں یا نہیں اور پرائم شپنگ دستیاب ہے یا نہیں۔ اس سے وہ خریداری کا فیصلہ فوری طور پر کر سکتے ہیں۔
دیگر برانڈز کیلئے سہولت
جو کمپنیاں Amazon پر مال نہیں بیچتیں، ان کے لیے بھی انٹرایکٹو فیچرز جیسے “لوکیشن بیسڈ میسجز”، “کوالٹی کا تخمینہ لگوانا” (get a quote)، “اپوائنٹمنٹ بُک کرنا”، یا “ابھی سبسکرائب کریں” جیسے بٹن دستیاب ہوں گے۔ ناظرین ان اختیارات کو اپنے فون پر بھی بھیج سکتے ہیں تاکہ بعد میں استعمال کریں۔
