گوگل نیوز پر ہمیں فالو کریںاسلام آباد: وفاقی وزیرِ منصوبہ بندی و ترقی اسد عمر نے کہا ہے کہ پاکستان کی جمہوری، عسکری، وفاقی اور صوبائی قیادت کراچی کے مسائل حل کرنے کیلئے متحد جبکہ تمام تر اعلیٰ قیادت ایک پیج پر ہے۔
سماجی رابطے کی ویب سائٹ ٹوئٹر پرا پنے پیغام میں وفاقی وزیر اسد عمر نے کہا کہ ریاست کے تمام عناصر جن میں سول، عسکری، وفاقی اور صوبائی حکومت شامل ہیں، کورونا وائرس کے حل کیلئے متحد ہوئیں جبکہ یہی طریقہ کار کراچی کے دیرینہ مسائل کے حل کیلئے بھی اپنایا جارہا ہے۔
وزیرِ منصوبہ بندی و ترقی اسد عمر نے کہا کہ کورونا وائرس کے خلاف پاکستان کی کامیابی کو عالمی سطح پر سراہا گیا جس کے بعد حکومت پاکستان کے سب سے بڑے شہر میں انقلاب لانا چاہتی ہے۔ پاکستان میں کامیابی کا سفر شروع ہوگیا، اِن شاء اللہ جیت ہماری ہوگی۔
All elements of the state..Civil, military, federal, provincial.. came together to deal with Covid19. Same approach to deal with perennial problems of karachi. Globally recognized success against corona, now revival of its largest city inshallah . Pak winning streak has started
— Asad Umar (@Asad_Umar) September 5, 2020
یاد رہے کہ وزیرِ اعظم عمران خان آج شہرِ قائد کا 1 روزہ سرکاری دورہ کریں گےجس کے دوران بارش سے متاثرہ عوام الناس کیلئے اربوں روپے کے کراچی ٹرانسفارمیشن پلان کا اعلان کیا جائے گا۔
شہرِ قائد پہنچنے کے بعد وزیرِ اعظم عمران خان گورنر ہاؤس کا دورہ کریں گے جہاں وزیرِ اعظم کراچی ٹرانسفارمیشن پلان پر ترتیب دی گئی کمیٹی کے اجلاس کی صدارت کریں گے جس کے بعد گورنر ہاؤس میں ایک پریس کانفرنس ہو گی۔ وزیرِ اعظم عمران خان میڈیا نمائندگان سے گفتگو کریں گے۔
مزید پڑھیں: وزیرِ اعظم کراچی ٹرانسفارمیشن پلان کا اعلان آج کریں گے
