گوگل نیوز پر ہمیں فالو کریںبالی وڈ اداکارہ عالیہ بھٹ کی ایک اور ڈیپ فیک ویڈیو سوشل میڈیا پر وائرل ہوگئی۔
عالیہ بھٹ کی نئی ڈیپ فیک ویڈیو میں انہیں “میرے ساتھ تیار ہو” کے ٹرینڈ میں حصہ لیتے دکھایا گیا ہے جس میں وہ سیاہ کُرتا پہنے میک اپ کرتی ہوئی تیار ہو رہی ہیں۔
یہ پہلی دفعہ نہیں ہے کہ جب عالیہ بھٹ کی ڈیپ فیک ویڈیو سوشل میڈیا پر وائرل ہوئی ہو، اس سے قبل بھی ان کی دو ڈیپ فیک ویڈیوز وائرل ہوئی تھیں جن میں سے ایک ویڈیو میں بھارتی اداکارہ وامیقا گبی کا چہرہ عالیہ کے چہرے سے ملایا گیا تھا۔
سوشل میڈیا سائٹ انسٹاگرام کے استعمال کرنے والوں نے عالیہ بھٹ کی وائرل ڈیپ فیک ویڈیو پر ردعمل دیتے ہوئے تشویش کا اظہار کیا ہے۔
انسٹاگرام استعمال کرنے والے ایک صارف نے لکھا کہ مصنوعی ذہانت (اے آئی) دن بدن خطرناک ہوتی جا رہی ہے۔ ایک اور صارف نے لکھا کہ مجھے اب اے آئی سے ڈر لگنے لگا ہے۔
اس سے قبل بھی کئی مشہور بالی وڈ شخصیات کی ڈیپ فیک ویڈیوز منظر عام پر آچکی ہیں جن میں کاجول، رشمیکا مندانا، کترینہ کیف، عامر خان، رنویر سنگھ اور دیگر شامل ہیں۔
