فون کالز ریکارڈ کرنا غیر قانونی، شوکت ترین پر الزامات بے بنیاد ہیں۔علی زیدی

کراچی: پی ٹی آئی سندھ کے صدر و سابق وفاقی وزیر علی زیدی نے کہا ہے کہ فون کالز ریکارڈ کرنا غیر قانونی ہے جبکہ شوکت ترین پر الزامات بے بنیاد ہیں۔

سماجی رابطے کی ویب سائٹ ٹوئٹر پر اپنے پیغام میں سابق وزیرِ بحری امور علی زیدی نے کہا کہ عدالتی اجازت کے بغیر فون کالز ریکارڈ کرنا غیر قانونی اور غیر آئینی عمل ہے۔

یہ بھی پڑھیں:

پی ٹی آئی کا الیکشن کمشنر کے خلاف کارروائی کا مطالبہ

ٹوئٹر پیغام میں علی زیدی نے کہا کہ دوسری بات یہ ہے کہ اگر واقعی شوکت ترین کی ہی آڈیو کال ریکارڈنگ سننے میں آئی ہے تو ہمیں یہ معلوم نہیں کہ ان کی مکمل گفتگو کیا تھی جسے توڑا مروڑا گیا۔

پیغام میں علی زیدی نے کہا کہ سابق وزیرِ خزانہ شوکت ترین کے خلاف الزامات بے بنیاد ہیں اور ایک عام عدالتی کارروائی کے دوران تمام تر الزامات کو رد کردیا جانا چاہئے۔

سابق وفاقی وزیر علی زیدی نے اپنے ٹوئٹر پیغام میں 1925 میں جنم لینے والے افریقی امریکن سول رائٹس لیڈر اور ایکٹیوسٹ میلکم ایکس کا قول شیئر کیا جنہیں 21فروری 1965 کو نیو یارک میں قتل کیا گیا تھا۔

Firstly, tapping of phone calls without court permission is illegal & unconstitutional.
Secondly, we don’t know how the whole conversation (if it happened) was twisted.
Charges filed against @shaukat_tarin are absurd & should be thrown out in a normal judicial system. pic.twitter.com/H2WuN7TUWH

— Ali Haider Zaidi (@AliHZaidiPTI) February 15, 2023

علی زیدی کے شیئر کیے گئے بیان میں آنجہانی سماجی رہنما میلکم ایکس کا کہنا ہے کہ آپ نے اور ہم نے کبھی ڈیموکریسی (جمہوریت) کی شکل نہیں دیکھی بلکہ جو دیکھا ہے وہ ہپوکریسی (منافقت) ہے۔