گوگل نیوز پر ہمیں فالو کریںاسرائیل کی بمباری کے دوران حماس کے القسام بریگیڈ نے 5روزہ جنگ بندی کیلئے اسرائیل کی 70یرغمال خواتین اور بچوں کی رہائی پر رضامندی کا اظہار کیا ہے۔
تفصیلات کے مطابق القسام بریگیڈ نے اپنے ترجمان کے ذریعے غزہ میں قید 70 خواتین اور بچوں کی رہائی کا پیغام دیا۔ عرب میڈیا کا اپنی رپورٹ میں کہنا ہے کہ ترجمان القسام بریگیڈ ابو عبیدہ نے قطری ثالثوں کو جنگ بندی کیلئے پیش کش کی۔
غزہ پر حملے، شہید فلسطینیوں کی تعداد بڑھ گئی
خیال رہے کہ گزشتہ ماہ 7 اکتوبر سے جاری حماس اسرائیل جنگ کے دوران کم و بیش ساڑھے 11 ہزار فلسطینیوں کو شہید کیا گیا جن میں ہزاروں بچے اور خواتین شامل ہیں۔ ترجمان القسام بریگیڈ نے کہا کہ 5دن کیلئے اسرائیل کو انسانی امداد کی اجازت دینا ہوگی۔
طویل وقت سے جاری بمباری کے باعث غزہ قبرستان بن گیا۔ شامی نژاد برطانوی صحافی رچرڈ میدھرسٹ کا کہنا ہے کہ اسرائیل کے جاری حملوں کے باعث غزہ کی پٹی اپنا وجود کھو چکی ہے۔ غزہ کیمپ کو اسرائیل نے موت کے کیمپ میں بدل دیا ہے۔
It's no longer the Gaza strip.
Nor the Gaza concentration camp.
Israel turned it into the Gaza death camp.
— Richard Medhurst (@richimedhurst) November 13, 2023
خیال رہے کہ اس سے قبل فلسطین کی مغربی پٹی میں اسرائیلی کارروائی کے نتیجے میں شہید فلسطینیوں کی تعداد 11 ہزار سے تجاوز کرگئی۔ گزشتہ روز تک کی کارروائیوں میں مزید 3 فلسطینی شہید ہوگئے۔
مقبوضہ فلسطین میں اسرائیل نے مظلوم فلسطینیوں پر حملے انتہائی تیز کردئیے۔ فلسطینی وزارتِ صحت کا کہنا ہے کہ ایک فلسطینی کو جنین جبکہ دیگر 2 فلسطینیوں کو عرابہ شہر میں شہید کردیا گیا۔
