گوگل نیوز پر ہمیں فالو کریںبالی ووڈ کے مشہور اداکار ابھیشیک بچن اور ایشوریا رائے بچن ایک بار پھر خبروں میں ہیں، حالیہ دنوں میں ان کی طلاق کی افواہیں گردش کر رہی تھیں لیکن ان کی وائرل تصاویر نے ان خبروں کو جھوٹا ثابت کر دیا ہے۔
ان تصاویر میں یہ جوڑی ایک باتھ ٹب میں خوشگوار لمحے گزارتے اور ایک دوسرے کے ساتھ ہنستے ہوئے نظر آئی۔
ابھیشیک اور ایشوریا نے 2007 میں شادی کی تھی اور ان کا رشتہ بالی ووڈ کی مثالی جوڑیوں میں شمار ہوتا ہے۔ ان کی ایک بیٹی ارادھیا بچن ہے جو اکثر اپنے والدین کے ساتھ عوامی تقریبات میں نظر آتی ہے۔
گوکہ یہ تصدیق نہیں ہوسکی کہ دونوں کی یہ تصاویر حقیقی ہیں یا اے آئی کی مدد سے بنائی گئی ہیں تاہم سوشل میڈیا پر ان کی حالیہ تصاویر نے مداحوں کو خوشی سے سرشار کر دیا ہے۔
ان تصاویر نے ان کے رشتے میں دراڑ کی افواہوں کو نہ صرف ختم کیا بلکہ یہ ظاہر کیا کہ وہ ایک دوسرے کے ساتھ کتنا مضبوط تعلق رکھتے ہیں۔
ابھیشیک اور ایشوریا دونوں ہی اپنی ذاتی اور پیشہ ورانہ زندگی میں کامیاب ہیں۔ مداحوں نے ان کے خوشگوار لمحوں کو سراہتے ہوئے کہا کہ ان کا رشتہ محبت اور اعتماد کی ایک خوبصورت مثال ہے۔ یہ تصاویر ان افواہوں کا جواب ہے جو ان کے رشتے کے بارے میں پھیلائی جا رہی تھیں۔
