گوگل نیوز پر ہمیں فالو کریںمعروف بھارتی اداکارہ آمنہ شریف جنہیں ماضی کے مشہور ڈرامہ “کہیں تو ہوگا” میں کشش کے کردار نے شہرت کی بلندیوں پر پہنچایا، ایک بار پھر خبروں کی زینت بن گئی ہیں۔
حالیہ دنوں میں آمنہ کی کچھ نئی تصاویر سوشل میڈیا پر وائرل ہو چکی ہیں جن میں ان کا نیا روایتی اور دلکش انداز ان کے مداحوں کو بے حد پسند آیا ہے۔
42 سالہ آمنہ شریف نے حالیہ فوٹو شوٹ میں آف وائٹ رنگ کا روایتی لباس زیب تن کیا جس کے ساتھ لیا گیا دوپٹہ اور مشرقی جیولری ان کے حسن کو چار چاند لگا رہی ہے۔
خاص بات یہ ہے کہ انہوں نے اپنے بالوں کو خوبصورتی سے گلابی پھولوں کے گجرے سے سنوارا، جس سے ان کا لک اور بھی نکھر کر سامنے آیا۔
آمنہ کے اس خوبصورت انداز نے سوشل میڈیا صارفین کو دیوانہ بنا دیا، اور ان کی تصاویر نے میں انٹرنیٹ پر دھوم مچا دی۔ انسٹاگرام پر اپلوڈ کی گئی تصاویر پر مداحوں کے تبصرے ان کے بدلتے ہوئے انداز کی تعریف سے بھرے ہوئے ہیں۔
ذرائع کے مطابق آمنہ شریف جلد ہی ایک بار پھر ٹی وی اسکرین پر واپسی کرنے والی ہیں۔ یاد رہے کہ وہ آخری بار ’کسوٹی زندگی کی‘ کے ریمیک میں ایک منفی کردار میں نظر آئی تھیں، جس میں ان کے ساتھ ایریکا فرنانڈیز اور پارتھ سمت ان بھی شامل تھے۔
مداحوں کو اب اس بات کا شدت سے انتظار ہے کہ آمنہ شریف ایک بار پھر کس روپ میں جلوہ گر ہوں گی اور کیا وہ اپنے ماضی کے جادو کو دوبارہ زندہ کر پائیں گی۔
