گوگل نیوز پر ہمیں فالو کریںقصور کی شاہ عنایت کالونی میں گلی میں کھلتی بچی کےساتھ نازیبا حرکت کرنے والے ملزم کو پولیس نے گرفتار کرلیا، تین روز قبل پیش آنے والے واقعے کی ویڈیو سوشل میڈیا پر وائرل ہوئی تھی۔
ذرائع ابلاغ کی رپورٹس کے مطابق دو روز قبل قصور کے تھانہ اے ڈویژن کی حدود میں ایک شحص نے گلی میں کھلتی ننھی بچی کے ساتھ نازیبا حرکات کی تھیں، جس کی ویڈیوسوشل میڈیا پر وائرل ہوئی تھی۔
ویڈیو میں واقعے کے بعد بچی کو سہم کر گھر کی طرف بھاگتے دیکھا جاسکتا ہے۔ پولیس کے مطابق ملزم ناصر وٹو اوکاڑہ کا رہائشی اور مزدور کار ہے۔
پولیس کے مطابق گرفتار ملزم اوکاڑہ کا رہائشی ہے جو مزدوری کرتا تھا، جسے شہریوں نے اسے مشکوک جان کر پکڑا لیکن شہریوں سے ہاتھا پائی کے دوران ملزم کے اپنے پستول سے گولی چل گئی، جس سے وہ شدید زخمی ہوگیا، پولیس نے بچی کے والد کی مدعیت میں واقعے کا مقدمہ درج کرلیا۔
