گوگل نیوز پر ہمیں فالو کریںکراچی: سیکورٹی کے فول پروف اقدامات کے باعث سندھ حکومت نے شہر قائد میں 8 سے 10محرم الحرام تک موٹرسائیکل کی ڈبل سواری پر پابندی عائد کردی ہے۔
ذرائع کے مطابق سندھ حکومت نے محرم الحرام میں امن و امان کی صورتحال برقرار رکھنے اور سیکیورٹی کو فول پروف بنانے کے لیے 8،9 اور 10 محرم الحرام کو کراچی میں موٹر سائیکل کی ڈبل سواری پر پابندی عائد کردی ہے۔
محکمہ داخلہ سندھ نے اس سلسلے میں نوٹیفیکیشن بھی جاری کردیا ہے، جس کے مطابق 8 محرم الحرام سے 3 روز کے لیے موٹرسائیکل کی ڈبل سواری پر پابندی کا اطلاق کراچی ڈویژن پر ہوگا۔
نوٹیفکیشن میں کہا گیا ہے کہ قانون نافذ کرنے والے اداروں کے اہلکار، پولیس اور رینجرز، صحافی، بزرگ، خواتین اور بچے ڈبل سواری پر پابندی سے مستثنیٰ ہوں گے۔
مزید پڑھیں: محرم الحرام میں حساس علاقوں کی سکیورٹی کیلئے خصوصی اقدامات کئے جائیں گے، شیخ رشید
