گوگل نیوز پر ہمیں فالو کریںاسلام آباد: وفاقی حکومت نے کورونا کیسز کی روک تھام کیلئے طورخم بارڈر کو ہر قسم کی آمدورفت کیلئے بند کردیا ہے۔
تفصیلات کے مطابق وزارتِ داخلہ نے طورخم بارڈر کو ہر قسم کی آمدورفت کیلئے بند کرنے کی تصدیق کردی۔ حکام کا کہنا ہے کہ بارڈر این سی او سی کی ہدایت پر بند کیا گیا۔
سماجی رابطے کی ویب سائٹ ٹوئٹر پر اپنے پیغام میں وزیرِ داخلہ شیخ رشید احمد نے کہا کہ کورونا وائرس کے باعث این سی او سی کی جاری کردہ ہدایات کے مطابق طورخم بارڈر کو بند کیاگیا۔
پیغام میں وزیرِ داخلہ شیخ رشید احمد نے کہا کہ آج سے پاکستان اور افغانستان کے مابین طورخم بارڈر ہر طرح کی آمدورفت کیلئے بند کردیا گیا ہے۔
کرونا وباکے باعث این سی او سی کی جاریکردہ ہدایات کے مطابق،طورخم بارڈر کو آج (6 جولائی) سے ہر طرح کی آمدورفت کے لئے بند کردیا گیا ہے۔1/2
— Sheikh Rashid Ahmed (@ShkhRasheed) July 6, 2021
وفاقی وزیرِ داخلہ شیخ رشید احمد نے کہا کہ پاک افغان سرحد پر طورخم امیگریشن مرکز ہر طرح کی آمدورفت کیلئے تب تک بند رہے گا جب تک کہ این سی او سی کی طرف سے نئی ہدایات موصول نہیں ہوتیں۔
پاک – افغان سرحد پر طورخم امیگریشن مرکز ہر طرح کی آمدورفت کے لئے تب تک بند رہے گا جب تک این سی او سی کیطرف سے نئی ہدایات وزارت داخلہ کو موصول نہیں ہوتیں۔2/2
— Sheikh Rashid Ahmed (@ShkhRasheed) July 6, 2021
یاد رہے کہ اِس سے قبل پاکستان میں کورونا کے 830 نئے کیسز رپورٹ ہوئے جبکہ گزشتہ 24 گھنٹوں کے دوران 25 مزید شہری انتقال کر گئے۔
نیشنل کمانڈ اینڈ آپریشن سینٹر (این سی او سی) کے جاری کردہ اعدادوشمار کے مطابق ملک بھر میں کورونا سے مجموعی طور پر 9 لاکھ 64 ہزار 490 افراد متاثر ہوئے جبکہ وائرس کے باعث 22 ہزار 452 شہری انتقال کر گئے۔
گزشتہ 24 گھنٹوں کے دوران کورونا کی تشخیص کیلئے 37 ہزار 364 ٹیسٹ کیے گئے جس سے مجموعی ٹیسٹس کی تعداد 1 کروڑ 48 لاکھ 15ہزار639 ہوگئی۔ملک بھر میں کورونا ٹیسٹ کا نتیجہ مثبت آنے کی شرح 2 اعشاریہ 22 فیصد رہی۔
مزید پڑھیں: کورونا کے 830 نئے کیسز رپورٹ، 25 مزید شہری جاں بحق
