گدھے کے گوشت کا تنازع؛ ترنول سوشل میڈیا پر کیوں ٹرینڈ کر رہا ہے؟

اسلام آباد فوڈ اتھارٹی نے ترنول میں بڑی کارروائی کرتے ہوئے گدھوں کے گوشت کی غیر قانونی سپلائی کا بھانڈا پھوڑ دیا۔ چھاپے کے دوران 25 من (1000 کلوگرام) سے زائد گدھے کا گوشت قبضے میں لے لیا گیا جبکہ 50 سے زائد زندہ گدھے بھی بازیاب کیے گئے۔

یہ کارروائی اس وقت سامنے آئی جب فوڈ اتھارٹی کو اطلاع ملی کہ ترنول کے علاقے میں منافع کے لیے گدھوں کو ذبح کیا جا رہا ہے۔ حکام کے مطابق، ابتدائی تفتیش سے پتا چلا ہے کہ یہ گوشت ممکنہ طور پر بیرون ملک بھی سپلائی کیا جا رہا تھا۔

اسلام آباد فوڈ اتھارٹی کے ترجمان نے بتایا کہ ملوث افراد کے خلاف مقدمہ درج کر لیا گیا ہے، جبکہ ضبط شدہ گوشت کو تلف کیا جا رہا ہے۔ کارروائی کے دوران ایک غیر ملکی شہری بھی موقع پر موجود تھا، جسے پولیس کے حوالے کر دیا گیا۔

یہ واقعہ سامنے آتے ہی سوشل میڈیا پر ترنول ٹرینڈ کرنے لگا، اور صارفین میں غصے کی لہر دوڑ گئی۔ عوامی سطح پر یہ سوال اٹھایا جا رہا ہے کہ عوام کے کھانے کے لیے فراہم کیے جانے والے گوشت کی نگرانی کا نظام کہاں ہے؟

🛑لاہور کے بعد اسلام آباد میں بھی لوگ گدھے کا گوشت کھا رہے فوڈ اتھارٹی کا چھاپہ، ترنول کے قریب سے گدھے کا 25 من گوشت برآمد گوشت کے علاؤہ پچاس سے زائد زندہ گدھے بھی موقع پر سے برآمد#islamabad #donkey #donkeymeat #tarnol #FoodDepartment #rider #meat pic.twitter.com/LDahVDAEKg

— Shoukat Anjum (@_ShoukatAnjum) July 27, 2025

فوڈ اتھارٹی کے ترجمان کے مطابق، ضبط شدہ گوشت کو فوری طور پر تلف کرنے کا عمل جاری ہے تاکہ یہ کسی بھی صورت مارکیٹ تک نہ پہنچ سکے۔ ترجمان کا کہنا ہے کہ ٹیم نے تمام شواہد محفوظ کر لیے ہیں اور قانونی کارروائی کا آغاز کر دیا گیا ہے۔ابتدائی تحقیقات میں انکشاف ہوا ہے کہ ضبط شدہ گوشت پاکستان میں نہیں بلکہ بیرون ملک سپلائی کیا جا رہا تھا۔

2

Islamabad Food Authority Raids Illegal Slaughterhouse – Donkey Meat Seized

Islamabad Food Authority has recovered 50 donkeys and around 25 mounds of meat during a raid in Tarnol.

This comes after similar incidents in Lahore, where donkey meat was also found being sold.

Reports… pic.twitter.com/PNKe7fEBzZ

— Kabul Frontline (@KabulFrontline) July 27, 2025

ڈاکٹر طاہرہ نے بتایا کہ یہ معاملہ محض مقامی سطح تک محدود نہیں، بلکہ بین الاقوامی سطح پر گوشت کی غیر قانونی ترسیل کا بھی خدشہ ہے، جس کی مزید تفتیش جاری ہے۔

3

Beware, Malang Jan Fans! 🫏

All the meat is disposed off by the Food Authorities!#Islamabad #Tarnol pic.twitter.com/LZtfSaxFT2

— Tehseer Ali (@tehseerali) July 27, 2025

سوشل میڈیا پر بھی یہ موضوع بحث کا مرکز بن چکا ہے۔ صارفین کی ایک بڑی تعداد کا ماننا ہے کہ لاہور کے بعد اب اسلام آباد کے شہریوں کو بھی گدھے کا گوشت کھلایا جا رہا ہے۔

اداکارہ مشی خان نے بھی اس معاملے پر اپنی رائے کا اظہار کرتے ہوئے سوشل میڈیا پر مختلف حوالوں سے یہ دعویٰ کیا کہ برآمد شدہ گوشت ممکنہ طور پر ریسٹورنٹس کے کھانوں میں استعمال ہو رہا تھا۔

4

Donkey Meat seized in Tarnol in huge quantity. Disgusting pic.twitter.com/1181eWmMOR

— Mishi khan (@mishilicious) July 27, 2025