امریکی ڈالر کے مقابلے میں روپے کی قدر میں معمولی اضافہ

اسلام آباد: پاکستانی روپے کی قدر میں امریکی ڈالر کے مقابلے میں معمولی اضافہ دیکھے کو ملا، انٹربینک ٹریڈنگ میں امریکی ڈالر کے مقابلے میں 1.04 روپے کا اضافہ سامنے آیا، گزشتہ روز کے 295.94 کے مقابلے میں امریکی ڈالر 294.90 روپے پر بند ہوا۔

تاہم فاریکس ایسوسی ایشن آف پاکستان (FAP) کے مطابق اوپن مارکیٹ میں ڈالر کی خرید و فروخت کی شرح بالترتیب 295.6 روپے اور 298.5 روپے رہی۔

اسٹیٹ بینک آف پاکستان (SBP) کے مطابق یورو کی قیمت گزشتہ روز 315.62 روپے کے بند ہونے کے مقابلے میں 34 پیسے کمی کے ساتھ 315.28 روپے پر بند ہوئی۔

جاپانی ین 01 پیسے کمی کے ساتھ 1.99 روپے پر بند ہوا، جبکہ برطانوی پاؤنڈ کی شرح تبادلہ میں 1.09 روپے کی کمی دیکھی گئی، جو 366.41 روپے کے آخری بند ہونے کے مقابلے میں 365.32 روپے پر ٹریڈ ہوا۔

مزید پڑھیں:ڈالر ذخیرہ کرنیوالوں کیخلاف بڑے ایکشن کا فیصلہ، اب گھرں پر چھاپے مارے جائینگے

اماراتی درہم اور سعودی ریال کی شرح تبادلہ 28 اور 27 پیسے کی کمی سے بالترتیب 80.29 روپے اور 78.62 روپے پر بند ہوئی۔