گوگل نیوز پر ہمیں فالو کریںاحتساب عدالت لاہور نے آمدن سے زائد اثاثہ جات سے متعلق انکوائری میں پی ٹی آئی رہنما و سابق وزیرِ اعلیٰ پنجاب سردار عثمان بزدار کی عبوری ضمانت منظور کر لی ہے۔
تفصیلات کے مطابق احتساب عدالت لاہور نے سابق وزیر اعلیٰ کی عبوری ضمانت 27 فروری تک منظور کی اور قومی احتساب بیورو (نیب) کو حکم دیا کہ 27 فروری تک عثمان بزدار کو گرفتار نہ کریں۔
عمران خان حکومت میں کرپشن کا بازار گرم تھا۔ سینیٹر افنان اللہ
لاہور کی احتساب عدالت نے سابق وزیر اعلیٰ سردا عثمان بزدار کو آمدن سے زائد اثاثہ جات سے متعلق انکوائری میں شاملِ تفتیش ہونے کا حکم بھی دے دیا۔ عدالت نے آئندہ سماعت پر حکام سے تفتیش کی رپورٹ بھی طلب کر لی۔
قبل ازیں آج صبح سابق وزیر اعلیٰ عثمان بزدار نے گرفتاری سے بچنے کیلئے عبوری ضمانت کے حصول کی درخواست دائر کی جس میں کہا گیا کہ پہلے میری گرفتاری نیب کو مطلوب نہیں تھی، اب نوٹس بھیجا جارہا ہے۔
سابق وزیر اعلیٰ پنجاب عثمان بزدار کا عدالت سے استدعا کرتے ہوئے اپنی درخواست میں کہنا تھا کہ مجھے نیب کی جانب سے کال اپ نوٹس بھیجا گیا جس پر گرفتاری کا خدشہ ہے، عدالت میری عبوری ضمانت فوری منظور کرے۔
سردار عثمان بزدار کی عبوری ضمانت کی درخواست پر سماعت احتساب عدالت کی ایڈمن جج عظمیٰ اختر چغتائی کر رہی تھیں۔ قبل ازیں نیب لاہور کے حکام نے سابق وزیر اعلیٰ کو آج پیشی کا حکم جاری کردیا تھا۔
