گوگل نیوز پر ہمیں فالو کریںمعروف گلوکارعلی نورکو صحافی عائشہ بنت راشد نے وحشی قرار دیتے ہوئے اُن پر جنسی ہراسانی کے الزامات عائد کیے ہیں۔
خاتون صحافی نےاپنی انسٹاگرام پوشٹ کے ذریعے سے معروف گلوکار پر ایک ایسے وقت میں جنسی ہراسانی سمیت دیگر سنگین الزامات عائد کیے ہیں، جب کہ علی نور نے اپنے آنے والے سنگل گانے کا ٹریلر جاری کیا ہے۔
اپنے انسٹاگرام اکاؤنٹ پرعائشہ بنت راشد نے 18 فروری کو جنسی ہراسانی کا الزام عائد کرتے ہوئے گلوکار کے ساتھ واٹس ایپ چیٹ پر ہونے والی گفتگو کے اسکرین شاٹس بھی شیئر کیے۔
عائشہ کی جانب سے شیئر کیے گئے اسکرین شاٹس سے معلوم ہوتا ہے کہ دونوں کے درمیان پرانی شناسائی تھی، مگر گلوکار کا رویہ عائشہ بنت راشد کے ساتھ نامناسب تھا۔
صحافی کے ایک اسکرین شاٹ سے معلوم ہوتا ہے کہ گلوکار نے ان کے ساتھ ایک مرتبہ دوران سفر کار میں بھی نامناسب رویہ اختیار کیا، جسے عائشہ بنت راشد نے ’جنسی ہراسانی‘ کا نام دیا۔
علاوہ ازیں صحافی نے گلوکار کو پیغامات کے دوران اُن کے برے رویے سے متعلق بھی بتایا اور یہ بھی کہا کہ وہ انہیں صرف اس وجہ سے برداشت کرتی رہیں کیونکہ گلوکار کے ڈرمر کے ساتھ ان کی دوستی تھی اور علی نور کے بھائی علی حمزہ کی بھی وہ عزت کرتی تھیں۔ تاہم انہوں نے لکھا ہے کہ اپنے ڈرمر دوست کے ساتھ بھی تعلقات ختم کردیے ہیں، کیوں کہ وہ ایسے کسی شخص کی دوست ہی نہیں رہنا چاہتیں جو خواتین کو ہراساں کرنے والے شخص کے قریب ہوں۔
عائشہ بنت راشد کی جانب سے گزشتہ برس کے اسکرین شاٹ بھی شیئر کیے گئے ہیں جب کہ انہوں نے گلوکار کی اہلیہ مندانا زیدی کی جانب سے بھی آئے ہوئے پیغامات کے اسکرین شاٹ بھی شیئر کیے۔
دوسری جانب علی نور نے بھی متعدد اسٹوریز میں عائشہ بنت راشد کے ساتھ ہونے والی بات چیت اور ملاقاتوں اور تعلقات کا بھی تذکرہ کیا اور ان کی اسٹوریز سے ایسا عندیہ ملتا ہے کہ وہ خاتون صحافی غلط فہمی اور مسائل کا شکار تھیں، جس کی وجہ سے انہوں نے گلوکار کو غلط سمجھا۔
View this post on Instagram
