گوگل نیوز پر ہمیں فالو کریںاسلام آباد: آن لائن سروے میں انکشاف ہوا ہے کہ پاکستان کے 90 فیصد والدین اسکول لاک ڈاؤن کے اختتام اور تعلیمی ادارے کھلنے کے بعد اپنے بچوں کو اسکول بھیجنے کیلئے تیار ہیں۔
سماجی رابطے کی ویب سائٹ ٹوئٹر پر اپنے پیغام میں آن لائن سروے کے ادارے گیلپ پاکستان نے کہا کہ ہر 10 میں سے 9 پاکستانی شہری اسکول کھلنے کے بعد اپنے بچوں کو دوبارہ اسکول بھیجنے کیلئے تیار ہیں جن میں سے زیادہ تعداد ریٹائرڈ افراد، گھریلو خواتین (ہاؤس وائوز) اور جز وقتی ملازمین کی ہے۔
پیغام میں سروے کے ادارے گیلپ پاکستان نے کہا کہ جو لوگ اپنے بچوں کو اسکول بھیجنے کے زیادہ حق میں نہیں، ان میں سے زیادہ تعداد بے روزگار افراد کی ہے جبکہ گیلپ کے تحت یہ سروے کورونا وائرس اور لاک ڈاؤن سے ملک پر مرتب ہونے والے اثرات کا جائزہ لینے کیلئے کیا گیا۔
9 in 10 #Pakistanis are willing to send their #children back to #school when schools re-open. #Retired, #housewives and part-time workers most willing to send children to school while those #unemployed least willing (Gallup Pakistan Poll)
For full report: https://t.co/S80bf0Peg1 pic.twitter.com/43uNzv9zaG— Gallup Pakistan (@GallupPak) August 26, 2020
یاد رہے کہ اِس سے قبل آن لائن سروے کے ادارے گیلپ پاکستان نے سروے رپورٹ جاری کردی جس کے مطابق پاکستان کے 93 فیصد شہریوں کیلئے خاندان بہت اہم ہے۔
ٹوئٹر پررواں ماہ اپنے پیغام میں گیلپ پاکستان نے کہا کہ پاکستان کے 93 فیصد شہریوں کی رائے میں خاندان ان کی زندگی میں بہت اہمیت رکھتا ہے۔
مزید پڑھیں: پاکستان کے 93 فیصد شہریوں کیلئے خاندان اہم ہے۔گیلپ سروے
