کمانڈو گینگ گروہ کے رکن سمیت 6خطرناک ڈاکو اسلام آباد پولیس کی گرفت میں آگئے

اسلام آباد : ڈکیتی کی غرض سے بیٹھے انتہائی خطرناک کمانڈو گینگ گروہ کے سرکردہ رکن سمیت 6افراد کو تھانہ ترنول پولیس نے جدید آتشیں اسلحے سمیت گرفتار کر لیا ۔

ملزمان کے قبضہ سے واردات میں استعمال ہونے والے پانچ پستول معہ راؤنڈ ،ایک خنجر اور چھینے ہوئے چھ موبائل فونز برآمد کر لیے گئے ہیں ۔

خفیہ اطلاعات تھیں کہ ڈھوک عباسی سرائے خربوزہ میں کچھ مشکوک افراد بیٹھے ہوئے ہیں جن کے پاس اسلحہ موجود ہے ،ملزمان میں عباداللہ عرف کمانڈو ، عبدالجلیل خان محمد اسراخیل،عابد، گل اور سعید شامل ہیں۔

مزید پڑھیں :نشے میں چورشہباز شریف کی بہن کے داماد نے شہری کے گھر پر گولیا ں برسادیں

ابتدائی تفتیش کے دوران ملزمان نے جڑواں شہروں اور پشاور ہائی وے سمیت دیگر شاہراہوں پر اسلحہ کے زور پر متعدد وارداتوں کا انکشاف کیا ہے ،ملزمان کے خلاف مقدمہ درج کرکے مزید تفتیش شروع کر دی ہے ،پولیس کا کہنا ہے کہ مزید سنسنی خیز انکشافات متوقع ہیں۔