گوگل نیوز پر ہمیں فالو کریںاسلام آباد:وفاقی وزیر برائے انفارمیشن ٹیکنالوجی و ٹیلی کمیونیکیشن امین الحق کا اپنے بیان میں کہنا تھا کہ ملک میں 5G سروسز کا آغاز دسمبر 2022 یا جنوری 2023 تک کر دیا جائے گا۔
انہوں نے بتایا کہ ابتدائی طور پر پانچ بڑے شہروں میں فائیو جی سروس شروع کی جائے گی، وزارت انفارمیشن ٹیکنالوجی و ٹیلی کمیونی کیشن نے فائیو جی اسپیکٹرم کی نیلامی کیلئے ایڈوائزری کمیٹی کے قیام کا نوٹیفکیشن جاری کردیا۔
وفاقی کابینہ کے فیصلے کے تحت وزیر خزانہ شوکت ترین کی سربراہی میں ایڈوائزری کمیٹی 13 ارکان پر مشتمل ہوگی، ارکان میں وفاقی وزیر برائے آئی ٹی و ٹیلی کمیونی کیشن امین الحق اور وزیر برائے سائنس و ٹیکنالوجی شبلی فراز بھی شامل ہیں۔
وفاقی وزیر امین الحق کا اس حوالے سے کہنا ہے کہ کمیٹی فائیو جی سروسز شروع کرنے کے لیے اسٹریٹجی پلان کے جائزے کے بعد اس کی منظوری دے گی،کمیٹی عالمی معیار کے مطابق پاکستان میں دستیاب اور استعمال ہونے والے اسپیکٹرم کا جائزہ لے گی۔
مزید پڑھیں: بین الاقوامی ائیر لائنز فائیو جی سے خوفزدہ، پروازیں معطل کردی گئیں
