گوگل نیوز پر ہمیں فالو کریںپی ایس ایل 10 کے 18 ویں میچ میں کوئٹہ گلیڈی ایٹرز نے یکطرفہ مقابلے کے بعد ملتان سلطانز کو شکست دے دی۔
لاہور میں کھیلے گئے میچ میں ملتان سلطانز نے کوئٹہ گلیڈی ایٹرز کو جیت کیلئے 90رنز کا ہدف دیا، کپتان محمد رضوان 44 رنز بنا کر نمایاں رہے۔
جواب میں کوئٹہ گلیڈی ایٹرز نے بغیر کسی نقصان کے 90 رنز کا ہدف صرف اور صرف 6.5 اوورز میں پورا کرلیا، کپتان سعود شکیل نے 20 گیندوں پر 42 رنز کی دھواں دار اننگز کھیلی۔
فن ایلن 21 گیندوں پر 45 رنز بنا کر نمایاں اسکورر رہے، کامیابی کے بعد کوئٹہ گلیڈی ایٹرز کی ٹیم پی ایس ایل پوائنٹس ٹیبل پر دوسرے نمبر پر پہنچ گئی۔
پی ایس ایل ٹین کی پوائنٹس ٹیبل پر اسلام آباد یونائیٹڈ کی ٹیم بدستور پہلے ہے، جبکہ کوئٹہ گلیڈی ایٹرز کی اس کامیابی کے بعد لاہور قلندرز اب تیسری پوزیشن پر چلی گئی ہے۔
