گوگل نیوز پر ہمیں فالو کریںراولپنڈی: بلوچستان میں سکیورٹی فورسز کی گاڑیوں کو دہشتگردوں کی جانب سے نشانہ بنایا گیا، جس کے نتیجے میں پاک فوج کے 14جوان جام شہادت نوش کرگئے۔
آئی ایس پی آر کے مطابق پسنی سے اورماڑہ جانے والی سکیورٹی فورسز کی 2 گاڑیوں پر حملہ کیا گیا، گھات لگائے حملے میں 14 جوان شہید ہوئے۔
بیان میں کہا گیا ہے کہ علاقے میں دہشتگردوں کے خلاف کلیئرنس آپریشن جاری ہے، گھناؤنے فعل میں ملوث ملزمان کو انصاف کے کٹہرے میں لایا جائے گا، پاک فوج ملک سے دہشتگردی کی لعنت کے خاتمے کیلیے پرعزم ہیں۔
بزدلانہ حملے کی مذمت کرتے ہوئے نگراں وزیر اعلیٰ بلوچستان میرعلی ڈومکی نے کہا کہ عوام کے جان و مال کے تحفظ پر مامور جوانوں پر حملہ بزدلانہ فعل ہے، دہشتگردی صوبے کا امن تباہ کرنے کی سازش ہے۔
نگراں وزیر اطلاعات و نشریات جان اچکزئی نے اپنے بیان میں کہا کہ دہشتگردی کے واقعات بلوچستان کا امن تباہ کرنے کی سازش ہے، ہمارے جوان ملک و صوبے کی انچ انچ کی حفاظت کر رہے ہیں۔
اسرائیلی جارحیت سے 50 ہزار حاملہ خواتین اور 50 ہزار نوزائیدہ بچوں کی زندگیاں خطرے میں
اُن کا مزید کہنا تھا کہ شہید جوانوں کی قربانیاں رائیگاں نہیں جائیں گی، دہشتگردوں کو ہر صورت شکست دیں گے، عوام کے جان و مال کے تحفظ پر مامور جوانوں پر حملہ بزدلانہ فعل ہے۔
