گوگل نیوز پر ہمیں فالو کریںاسلام آباد: اینٹی نارکوٹکس فورس (اے این ایف) نے ملک کے مختلف شہروں میں کارروائیوں کے دوران بھاری مقدار میں منشیات برآمد کرلی۔
اے این ایف نے پتوکی ٹول پلازہ کے قریب کارروائی کرتے ہوئے گاڑی سے 123 کلو 630 گرام چرس برآمد کرکے ڈیرہ غازی خان کے رہائشی ملزم کو گرفتار کرلیا۔
دوسری کارروائی میں اے این ایف نے اسلام آباد انٹرنیشنل ائیرپورٹ پر وزیرستان کے رہائشی مسافر کے پیٹ سے 69 ہیروئن بھرے کیپسولز برآمد کرلیے، ملزم فلائٹ نمبر PK 181 سے دبئی جا رہا تھا ۔
کراچی میں گاڑی کھائی میں جاگرنے سے بچوں اور خواتین سمیت 5افراد جاں بحق
علاوہ ازیں اے این ایف نے اسلام آباد انٹرنیشنل میل آفس میں بحرین بھیجے جانیوالے پارسل سے 2کلو 720 گرام ہیروئین اور 780 گرام آئس برآمدکرلی۔
حکام نے ملزمان کیخلاف انسدادِ منشیات ایکٹ کے تحت مقدمات درج کر کے تحقیقات کا آغاز کردیا ہے ۔
