محمد حفیظ ٹیکنیکل کمیٹی سے کیوں مستعفی ہوئے؟
قومی ٹیم کے سابق کپتان محمد حفیظ کی پاکستان کرکٹ بورڈ کی مینجمنٹ کمیٹی کے رکن کی حیثیت سے مستعفی ہونے کی اصل کہانی کھل گئی۔
سابق کپتان محمد حفیظ نے گزشتہ روز کرکٹ کمیٹی کے رکن کی حیثیت سے مستعفی ہونے کا اعلان کرتے ہوئے کہا تھا کہ ’میں نے اعزازی ممبر کی حیثیت سے اپنی خدمات انجام دیں۔
سابق کرکٹر نے کہا تھا کہ پاکستان کرکٹ کے لیے میری نیک خواہشات ہمیشہ رہیں گی۔کرکٹ کمیٹی میں ذمہ داری دینے کے لیے ذکا اشرف کا شکریہ ادا کرتا ہوں۔
اُن کا کہنا تھا کہ جب بھی ذکا اشرف کو میری دیانتدرانہ تجاویز کی ضرورت ہوگی تو میں ہمیشہ اپنی دستیابی کو یقینی بناؤں گا۔
تاہم اب محمد حفیظ کی ٹیکنیکل کمیٹی سے استعفیٰ دینے کی وجہ سامنے آگئی ہے۔
ذرائع کا اس حوالے سے کہنا ہے کہ محمد حفیظ اور مصباح الحق کی تجاویز پر غور نہیں کیا گیا، اجلاس میں ٹیکنیکل کمیٹی نے کپتان اور کوچز سے اسپنرز کی کارکردگی پر سوال اٹھایا۔
مزید پڑھیں:ورلڈکپ کیلئے 18 رکنی قومی اسکواڈ کا اعلان، حسن علی کی ٹیم میں واپسی
کمیٹی عماد وسیم کو اسکواڈ میں شامل کرنے کے حق میں تھی تاہم شاداب خان کا دباؤ کم کرنے کے لیے انہیں نائب کپتان سے ہٹانے کی بھی تجویز دی گئی مگر بابر اعظم شاداب کے لیے متحرک تھے۔
