ممبئی: بھارت کے نامور گلوکار سونونگم پر چیمبور میں کنسرٹ کے دوران حملہ ہوگیا۔
بھارتی میڈیا کے مطابق ممبئی کے علاقے چیمبور میں کنسرٹ کے دوران شیوسینا کے ریاستی اسمبلی کے رکن پرکاش پھاترپیکر کے بیٹے نے ساتھیوں کے ساتھ مل کر سونو نگم پر حملہ کیا۔
رپورٹس میں بتایا گیا ہے کہ کنسرٹ کے دوران مقامی رکن اسمبلی کے بیٹے نے سونو نگم سے ملنے کی کوشش کی جس پر ان کے باڈی گارڈز نے روکا تو معاملہ ہاتھا پائی تک پہنچ گیا۔
Sonu Nigam hospitalised after an attack by Uddhav Thackeray’s MLA and goons at an event.
What about his freedom of speech @priyankac19 pic.twitter.com/v4SS2DKP52
— Monica Verma (@TrulyMonica) February 20, 2023
اسی ہاتھا پائی کے دوران سونونگم اور اُن کے ایک ساتھی کو چوٹیں آئیں جنہیں مقامی اسپتال میں منتقل کردیا گیا ہے۔
لمز یونیورسٹی ایک بار پھر تنقید کی زَد میں، ٹوئٹر پر ٹاپ ٹرینڈ بن گئی
دوسری جانب واقعے کی ویڈیو سوشل میڈیا پر تیزی سے وائرل ہورہی ہے جس میں سونو نگم کے ساتھ کچھ لوگوں لڑتے اور زخمی ہوتے دیکھا جاسکتا ہے۔
اُدھر پولیس نے بتایا کہ واقعے میں کچھ افراد کے زخمی ہونے کی اطلاعات ہیں تاہم اب تک کسی نے واقعے کا مقدمہ درج نہیں کرایا ہے۔