واٹس ایپ کا صارفین کے لیے دلچسپ فیچر جلد متعارف کرانے کا فیصلہ

موسم

قیمتیں

ٹرانسپورٹ

کیلیفورنیا: اسمارٹ فون میسجنگ ایپ واٹس ایپ نے اپنے صارفین کے لیے ایک اور کارآمد فیچر متعارف کروا دیا، نیا فیچر جلد ہی تمام صارفین کے لیے دستیاب ہوگا۔

واٹس ایپ کی انتظامیہ کے مطابق آنے والے دنوں میں یہ فیچر ہر ایک کو دستیاب ہوگا، اس اپ ڈیٹ کے بعد چیٹس میں تصاویر اور ویڈیوز کا زیادہ بڑا ویو دیکھنا ممکن ہوسکے گا۔ کمپنی کے مطابق اس فیچر سے چیٹس میں بڑے فارمیٹ میں تصاویر اور ویڈیوز کو بھیجنا بھی ممکن ہوجائے گا۔

اس فیچر کا اعلان ایک ٹویٹ میں کیا گیا اور اسے سمجھانے کے لیے ایک ویڈیو بھی ساتھ پوسٹ کی گئی۔ اس وقت واٹس ایپ میں بھیجی جانے والی تصاویر کراپ محسوس ہوتی ہیں اور مکمل دیکھنے کے لیے ان کو کلک کرکے اوپن کرنا پڑتا ہے۔

اس نئے فیچر کو واٹس ایپ نے اپریل میں آئی او ایس ڈیوائس کے لیے متعارف کرایا تھا مگر اب یہ فیچر تمام صارفین کے لیے دستیاب ہے۔ 

واٹس ایپ نے ٹویٹ میں لکھا کہ ایپ میں اب تصاویر اور ویڈیوز پہلے سے زیادہ بڑی ہوں گی، تو کوئی بھی اب نامکمل تصویر نہیں دیکھے سکے گا۔

اس نئی اپ ڈیٹ کے بعد واٹس ایپ میں پوری تصویر چیٹ کے اندر ہی نظر آئے گی اور اس پر کلک کرنے کی ضرورت نہیں ہوگی۔ اس تبدیلی کا اطلاق واٹس ایپ چیٹس میں بھیجی جانے والی ویڈیوز پر بھی ہوگا۔

یہ بھی پڑھیں : ختم نبوت ﷺ کے قانون پر کوئی سمجھوتا نہیں ہو گا، وزیراعظم عمران خان