گوگل نیوز پر ہمیں فالو کریںٹینس اسٹار ثانیہ مرزا اور ان کے شوہر شعیب ملک میڈیا پر اکثر متحرک رہتے ہیں اور اسٹار کپل کی نوک جھونک سے مداح خوب محظوظ ہوتے ہیں۔
حال ہی میں ثانیہ مرزانے ایک ٹی وی شو کے دوران گفتگو کرتے ہوئے شعیب ملک کی ایک بری عادت کا انکشاف کیا جسے وہ ناپسند کرتی ہیں۔
35 سالہ ثانیہ نے انکشاف کیا کہ انہیں شعیب کی یہ عادت ناپسند ہے کہ ’’اگر میں شعیب سے کچھ کرنے کو کہتی ہوں، تو وہ ہمیشہ ’’ہو جائے گا‘‘ کہہ کر ٹال دیتے ہیں جبکہ شعیب کاکہنا ہے کہ میں جو کرنا ہوتا ہے وقت پر کرتا ہوں۔
ٹینس اسٹار نے یہ بھی کہا کہ شعیب رات کو سوتے وقت خراٹے لیتے ہیں جس پر ان کے شوہر نے کہاکہ میں صرف اس وقت خراٹے لیتا ہوں جب میں تھک جاتا ہوں۔
اس سے قبل بھارتی ٹینس اسٹارثانیہ مرزا نے بھارتی چینل کوانٹرویو میں کہا تھا کہ ہزاروں شادیاں ایسی ہوتی ہیں جس میں دلہا دلہن کا تعلق پاکستان اوربھارت سے ہوتا ہے،ہمارے لئے شادی ایک نارمل معاملہ تھا۔
مزید پڑھیں:ثانیہ مرزا کا مفت مشورہ دینے والوں کو کرارا جواب
