اسلام آباد:قومی کرکٹ ٹیم کے سابق کھلاڑی وسیم اکرم اور ویسٹ انڈیز کے سابق مایہ ناز فاسٹ باؤلر کرٹلی ایمبروز کی ملاقات ہوئی جس کے دوران ماضی کی یادوں کو تازہ کیا گیا۔
سماجی رابطے کی ویب سائٹ ٹوئٹر پر اپنے پیغام میں ملاقات کا احوال بیان کرتے ہوئے وسیم اکرم نے کہا کہ کرٹلی ایمبروز ان خطرناک ترین باؤلرز میں سے ایک ہے جن کا مجھے سامنا کرنے کا اتفاق ہوا ہے۔
کرکٹر وسیم اکرم کے مطابق ملاقات کے دوران کرٹلی ایمبروز نے کہا کہ مجھے پاکستان آمد بے حد اچھی لگی اور یہاں میری کھل کر میزبانی کی گئی۔
وسیم اکرم نے پاکستان میں کرٹلی ایمبروز کو خوش آمدید کہتے ہوئے کہا کہ یہاں آپ سے ملاقات خوبصورت رہی اور امید کرتے ہیں کہ آپ مستقبل میں بھی زیادہ سے زیادہ پاکستان کا رُخ کریں گے۔
Great to catch up with one of the most fearsome bowlers I ever faced @ambrose_curtly .He said he has loved coming to Pakistan and has enjoyed such overwhelming hospitality here. It’s good to have you here mate and hope to see you here a lot more in future. pic.twitter.com/1QPA1jE9Ba
— Wasim Akram (@wasimakramlive) February 23, 2020
یاد رہے کہ اس سے قبل سابق کپتان اور کراچی کنگز کے صدر وسیم اکرم نے کہا کہ پی ایس ایل کے پانچویں ایڈیشن کا انعقاد ہوم گراؤنڈ پر ہورہا ہے۔پی ایس ایل بڑا ایونٹ ہے ، جو پرفارم کرے گا وہ ہیرو بن جائے گا۔
لیجنڈ فاسٹ بولر وسیم اکرم نے 5 روز قبل انٹرویو کے دوران کہا کہ پی ایس ایل ایونٹ جو بھی جیتے گا جیت پاکستان کی ہوگی۔ گزشتہ سال جو غلطیاں کیں کوشش ہوگی وہ نہ دہرائی جائیں۔
مزید پڑھیں: پی ایس ایل کا انعقاد ہوم گراؤنڈ پر ہورہا ہے۔ وسیم اکرم