کراچی: نجی ٹی وی چینل کے میزبان وقار ذکا نے پاکستانی طالب علموں کے امتحانات کی منسوخی کے لیے آواز بلند کردی ہے۔
وقار ذکا کی جانب سے اس حوالے سے سماجی رابطے کی ویب سائٹ ٹوئٹر پر وفاقی وزیر تعلیم شفقت محمود کو ہدف بناتے ہوئے زبانی حملے کیے جارہے ہیں۔
واضح رہے کہ وفاقی وزیر تعلیم شفقت محمود پہلے ہی سماجی کارکن اور طالب علموں کے وکیل جبران ناصر کو بلاک کرچکے ہیں اور لگتا ہے کہ وقار ذکا بھی اس فہرست میں آنے والے ہیں۔
وفاقی وزیر کی جانب سے اپریل کے شروع میں امتحانات جاری رکھنے کے فیصلے پر وقار ذکا نے شفقت محمود کی ٹوئٹ کو ری ٹوئٹ کرتے ہوئے لکھا تھا کہ آپ کو اپنے اس فیصلے پر افسوس ہوگا۔
What I told you , remember Lasorey @Shafqat_Mahmood you will regret it . Now the students will make you resign #ResignShafqatMahmood bye bye
— Waqar Zaka (@ZakaWaqar) April 27, 2021
مگر اب وقار ذکا نے وفاقی وزیر کو ایک پھل کے نام سے پکارتے ہوئے کہا ‘میں نے پہلے ہی کہا تھا کہ آپ کو افسوس کرنا ہوگا، اب طالبعلم آپ کو مستعفیٰ ہونے پر مجبور کریں گے’۔
شفت محمود کو حالیہ دنوں میں سوشل میڈیا پرکیمبرج سسٹم امتحانات کے حوالے سے تنقید کا نشانہ بنایا گیا تھا اور وہ طالبعلموں کی بدزبانی کا ہدف بنے تھے۔
Kesa Diya ? Phelay mana letay but dont worry we will still demand #Resignshafqatmahmood. He was thinking bachey hain ink sath koi Nahie Hoga , jab tak @techmovementpak hai , Mei dekhta hoon yeh log kesay kaam theek Nahie kartey- https://t.co/gejwJvxwna
— Waqar Zaka (@ZakaWaqar) April 28, 2021
چونکہ سوشل میڈیا پر نوجوانوں کے ساتھ اس طرح کی حمایت کا اظہار بہت کم افراد نے کیا تو بیشتر طالبعلموں نے وقار ذکا کے ردعمل کا خیرمقدم کیا۔
خیال رہے کہ یہ پہلی مرتبہ نہیں ہے کہ وقار ذکا نے اپنے نوجوان مداحوں کے لیے آواز اٹھائی ہو، وقار ذکا نے اس سے قبل وزارت تعلیم کی جانب سے طلبہ کے امتحانات سے متعلق وزیراعظم عمران خان سے بھی سوال کیا تھا۔
انہوں نے ٹوئٹ میں کہا تھا کہ جب یہ ممالک کیمبرج امتحانات کی اجازت نہیں دے رہے تو شفقت محمود ایسا کیوں نہیں کررہے، آپ کیوں چاہتے ہیں کہ طلبہ احتجاج کریں؟
Sir @ImranKhanPTI when these countries are not allowing Cambridge exams then why @Shafqat_Mahmood is not doing the same? Why u want students to suffer in protest? @techmovementpak will support the students pic.twitter.com/EGIVAjzOEC
— Waqar Zaka (@ZakaWaqar) April 4, 2021