سوشل میڈیا پر وائرل تصویر شہبازگل کے ڈرائیور کی اہلیہ کی نہیں، پولیس کی وضاحت

اسلام آباد: پاکستان تحریک انصاف کے رہنماء شہبازگل کے ڈرائیورکی اہلیہ کی حوالات میں مبینہ تصویر وائرل ہونے کے معاملے پر اسلام آباد پولیس کی جانب سے وضاحتی بیان جاری کردیاگیا۔

اسلام آباد پولیس کا اپنے جاری کردہ بیان میں کہنا تھا کہ سوشل میڈیا پر وائرل ہونے والی تصویر شہبازگل کے ڈرائیور کی اہلیہ کی نہیں ہے۔

انٹرنیٹ سے پرانی تصویر کو اٹھا کر اپ لوڈ کرکے عوام میں اشتعال اور غلط معلومات پھیلائی جارہی ہیں۔قانون کی نظر میں مرد اور عورت برابر ہیں اور کسی بھی تفریق سے بالاتر ہے۔جرم میں اعانت کرنے والوں اور شواہد کو چھپانے والوں سے قانون کے مطابق نمٹا جائے گا۔
⬇️

— Islamabad Police (@ICT_Police) August 11, 2022

ترجمان اسلام آباد کا کہنا ہے کہ سوشل میڈیا پر وائرل ہونے والی تصویر کسی اور صوبے کے حوالات کی ہے اور ویب سائٹس پر موجود ہے، پرانی تصویر اپ لوڈ کرکے عوام میں اشتعال اور غلط معلومات پھیلائی جارہی ہیں۔

اسلام آباد پولیس کے مطابق قانون کی نظر میں مرد اور عورت برابر ہیں اور کسی بھی تفریق سے بالاتر ہے، جرم میں اعانت کرنے والوں اور شواہد کو چھپانیوالوں سے قانون کے مطابق نمٹیں گے۔