موجودہ حکومت بلوچستان کے حق پر ڈاکہ مارنا چاہتی ہے، بلاول بھٹو

نصیر آباد: چیئرمین پیپلز پارٹی بلاول بھٹو نے کہا ہے کہ موجودہ حکومت بلوچستان کے حق پر ڈاکہ مارنا چاہتی ہے، انہوں نے کہا کہ سندھ اور بلوچستان کو پانی کی قلت کا سامنا ہے، حکومت ملی تو سب سے پہلے پانی کا مسئلہ حل کریں گے۔

بلاول بھٹو کا نصیر آباد میں جلسے سے خطاب کرتے ہوئے کہنا تھا کہ 27 فروری کو کراچی سے اسلام آباد کا رخ کریں گے۔پیپلز پارٹی پورے ملک میں ترقیاتی منصوبے شروع کرے گی، آبپاشی کے نظام میں پیپلزپارٹی کے علاوہ کوئی حکومت بہتری نہیں لا سکی۔

بلاول نے کہا کہ جب سے سلیکٹڈ حکومت آئی غربت اور بیروزگاری میں اضافہ ہوا، کپتان عوام سے روٹی کپڑا اور مکان چھین رہا ہے۔ 1973کا آئین ریاست اور عوام کے درمیان معاہدہ ہے، آئین کے مطابق ہر شہری اور صوبے کا اپنا اپنا حق ہے۔

پیپلزپارٹی میدان میں اترچکی ہے، 27 فروری کو کراچی سے اسلام آباد کا رخ کریں گے۔امید ہے بلوچستان کے عوام پیپلزپارٹی کا ساتھ دیں گے۔شہید بی بی نے جمہوریت بہترین انتقام کا نعرہ لگایا، کٹھ پتلی کو پیغام پہنچا چکے،

چیئرمین پاکستان پیپلز پارٹی کا کہنا تھا کہ موجودہ حکومت بلوچستان کے حق پر ڈاکہ مارنا چاہتی ہے، عمران خان نے عوام کے ووٹ کے حق پر بھی ڈاکہ مارا۔

مزید پڑھیں: حکومت کیخلاف احتجاج کے ساتھ تحریک عدم اعتماد کے آپشن کھلے ہیں، بلاول بھٹو

انہوں نے کہا کہ کسی سے بھیک نہیں مانگتے اپنے حق کامطالبہ کرتے ہیں، نہ ملا تو حق چھیننا بھی جانتے ہیں۔ کسی کو اجازت نہیں دیں گے کہ عوام کو حقوق سے محروم رکھے، ہر سازش ناکام بنائیں گے۔