راولپنڈی:ضلع کرم کے علاقے پاک افغان سرحد پر افغانستان سے دہشتگردوں کی جانب سے بھاری ہتھیاروں سے فائرنگ کی گئی، جس کے نتیجے میں پاک فوج کے5جوانوں نے جام شہادت نوش کیا۔
آئی ایس پی آر کے جاری کردہ بیان میں کہا گیا ہے کہ دہشتگردوں کی جانب سے کرم کے علاقے پاک افغان سرحد پر فائرنگ کی گئی، فائرنگ کے تبادلے میں پاک فوج کے لانس نائیک عجب نور، سپاہی ضیاء اللہ، سپاہی ناہید اقبال، سپاہی ساجد علی اور سپاہی سمیر اللہ نے جام شہادت نوش کیا۔
آئی ایس پی آر کے جاری کردہ بیان کے مطابق پاکستان دہشت گردوں کی جانب سے افغان سرزمین کے استعمال کی شدید مذمت کرتا ہے، توقع ہے کہ عبوری افغان حکومت مستقبل میں پاکستان کے خلاف اس قسم کی سرگرمیوں کی اجازت نہیں دے گی۔
پاکستان آرمی دہشت گردی کی لعنت کے خلاف ملکی سرحدوں کے دفاع کے لئے پرعزم ہے اور ہمارے بہادر جوانوں کی یہ قربانیاں اس عزم صمیم کا عکاس ہیں۔
مزید پڑھیں: بھارت لائن آف کنٹرول پر جنگ بندی کو کمزوری نہ سمجھے، پاک فوج