گوگل نیوز پر ہمیں فالو کریںاسلام آباد: وفاقی وزیر اطلاعات مریم اورنگزیب کا کہنا ہے کہ اپنا سکینڈل سامنے آتے ہی انہیں سب کچھ یاد آجا تا ہے، عمران خان نے ذاتی مفاد کیلئے قومی سلامتی سے کھلواڑ کیا۔عمران خان عوام کو بتائیں کیسے 4 سال سیاسی انتقام لیتے رہے؟
وفاقی وزیر اطلاعات مریم اورنگزیب نے اسلام آباد میں پریس کانفرنس کرتے ہوئے کہا ہے کہ عمران نیازی نے جھوٹے مقدمات بنائے اس لئے ساری کابینہ ضمانت پر ہے، اب عوام کو بتائیں کس طرح 4 سال سیاسی انتقام لیتے رہے، ان کی ناقص پالیسیوں کی وجہ سے آج معیشت کا یہ حال ہے۔
مریم اورنگزیب کا کہنا ہے کہ بشریٰ بی بی نے کہا تھا سائفر کو غداری سے جوڑو، عمران خان کہہ رہے ہیں میں بتاؤں گا، آپ کو بتانا پڑے گا۔بشریٰ بی بی مخالفین کے خلاف ٹرینڈ چلانے کی ہدایات دیتی رہیں۔
انہوں نے کہا کہ عمران خان تب بولتے ہیں جب ان کے خلاف کوئی ثبوت سامنے آجائے، عوام نے عدم اعتماد کیا تو سازش یاد آ گئی۔ عمران خان ذہنی توازن کھو چکے ہیں، جب پی ٹی آئی کا کوئی کیس سامنے آتا ہے تو یہ شور مچانا شروع کردیتے ہیں۔
مریم اورنگزیب نے کہا کہ عمران خان نے آتے ہی سب کو جیلوں میں ڈال دیا، رانا ثناء، شہباز شریف پر جھوٹے مقدمات بنانے کی کوشش کی گئی، بتائیں کس طرح ایسٹ ریکوری یونٹ ایسٹ میکنگ یونٹ بنائے رکھا، نیب اور ایف آئی اے کو استعمال کر کے 4 سال سیاسی انتقام لیتے رہے۔
مزید پڑھیں:معروف صحافی عمران ریاض گرفتار، عمران خان کی مذمت
