بالی ووڈ کے کنگ شاہ رُخ خان کو انڈسٹری میں کام کرتے ہوئے 30 سال مکمل ہوگئے ہیں۔
سال 1992 میں فلم انڈسٹری میں قدم رکھنے والے شاہ رُخ خان نے فلم دیوانہ سے اپنے کیریئر کا آغاز کیا تھا، اُس کے بعد اُن کی کامیابیوں کا سلسلہ مسلسل جاری ہے اور انھیں بالی ووڈ انڈسٹری پر راج کرتے ہوئے 30 سال مکمل ہوگئے ہیں، جس پر دنیا بھر میں موجود اُن کے مداح خوب جشن منا رہے ہیں۔
سوشل میڈیا پر شاہ رُخ خان کے مداحوں اِس موقع پر خوشی کا اظہار کررہے ہیں اور اپنے سپر اسٹار کو 30 برس مکمل ہونے پر مبارکباد دے رہے ہیں۔
جھانوی کپور اور اننیا پانڈے کی بولڈ تصاویر سوشل میڈیا پر وائرل
مداح اِس وجہ سے بھی خوش ہیں کیونکہ کنگ خان 3 سال کے انتظار کے بعد اسکرین پر دوبارہ سے واپسی کررہے ہیں، شاہ رُخ خان نے اپنی 3 دہائیوں کےمکمل ہونے پر جشن مناتے ہوئے اپنی نئی فلم کی پہلی آفیشل جھلک مداحوں کے ساتھ شیئر کی۔
عائزہ خان تنقید برداشت نہ کرسکیں، کمنٹ سیکشن کو بند کردیا
سماجی رابطے کی ویب سائٹ ٹوئٹر پر نئی فلم پٹھان کی جھلک شیئر کرتے ہوئے شاہ رخ خان نے لکھا کہ ’ان 30 سالوں میں مداحوں کی جانب سے ملنے والی محبتیں او رمسکراہٹیں لامحدود ہیں‘۔ اداکارنے بتایا کہ پٹھان 25 جنوری کو ہندی ، تامل اور تیلگوزبان میں نشر کی جائے گی۔
30 yrs and not counting cos ur love & smiles have been infinite. Here’s to continuing with #Pathaan.
Celebrate #Pathaan with #YRF50 on 25th January, 2023. Releasing in Hindi, Tamil and Telugu. @deepikapadukone | @TheJohnAbraham | #SiddharthAnand | @yrf pic.twitter.com/tmLIfQfwUh
— Shah Rukh Khan (@iamsrk) June 25, 2022