امیر جماعت اسلامی سراج الحق کا کہنا ہے کہ وزیراعظم شہباز شریف کے کپڑے سلامت ہیں لیکن قوم بے لباس ہوگئی ہے۔

کوئٹہ میں پریس کانفرنس کرتے ہوئے سراج الحق نے کہا کہ سابقہ دور حکومت میں پیپلز پارٹی نے مہنگائی مارچ جب کہ مولانا فضل الرحمان اور دیگر جماعتوں نے احتجاج کیا، آج حکومت میں آنے کے بعد یہ جماعتیں خاموش ہیں۔

یہ بھی پڑھیں:

امیر جماعت اسلامی نے کہا کہ مہنگائی کے خلاف جماعت اسلامی نے ملک گیر احتجاج کیا، مغرب میں کرسمس پر اشیاء ضروریہ سستی ہو جاتی ہیں، رمضان المبارک قریب ہے، لہٰذا چیزوں کی قیمتیں کم ہونی چاہئیں۔

انہوں نے مزید کہا کہ وزیراعظم نےکہا تھا دل کرتا ہے کپڑے بیچ دوں، البتہ وزیراعظم کے کپڑے سلامت ہیں لیکن قوم بے لباس ہوگئی ہے، حکمرانوں کی عیش وعشرت میں کوئی کمی نہ آئی۔