گوگل نیوز پر ہمیں فالو کریںکوئٹہ: نجی ٹی وی کی رپورٹ کے مطابق سندھ پولیس نے جمعہ کو پاکستان تحریک انصاف (پی ٹی آئی) کے سینئر رہنما سینیٹر اعظم سواتی کو کوئٹہ سے اپنی تحویل میں لے لیا۔
رپورٹ میں مزید کہا گیا، ”اعظم سواتی کے وکیل اقبال شاہ نے ذرائع کو بتایا کہ اگرچہ بلوچستان ہائی کورٹ نے ان کی رہائی کا حکم دیا تھا، لیکن صوبے کی پولیس نے ان کی تحویل سندھ پولیس کے حوالے کر دی۔“
اقبال شاہ نے ذرائع کو بتایا کہ سینیٹر اعظم سواتی کو اب ایک خصوصی طیارے کے ذریعے جنوبی صوبے میں منتقل کیا جا رہا ہے۔
پی ٹی آئی کے ایک اور سینئر رہنما اسد عمر نے بھی سینیٹر اعظم سواتی کی گرفتاری کی مذمت کی۔
مزید پڑھیں:وزیر خزانہ اسحاق ڈار سرحد پار ڈالر کی اسمگلنگ روکنے کیلئے کے پر عزم
اس سے قبل آج، بلوچستان ہائیکورٹ نے حکم دیا تھا کہ پی ٹی آئی رہنما کے خلاف سینئر عسکری قیادت کے خلاف متنازعہ ٹویٹس کرنے پر درج تمام فرسٹ انفارمیشن رپورٹس (ایف آئی آر) کو سینیٹر کے بیٹے کی طرف سے بلوچستان میں مقدمات کے اندراج کے خلاف دائر درخواست کے بعد منسوخ کر دیا جائے۔
