گوگل نیوز پر ہمیں فالو کریںکراچی: سندھ کابینہ نے نئے مالی سال 22-2021ء کے بجٹ میں سرکاری ملازمین کی تنخواہوں میں 20 فیصد اضافے کی منظوری دے دی ہے جس کا اعلان ترجمان سندھ حکومت مرتضیٰ وہاب نے کیا۔
سماجی رابطے کی ویب سائٹ ٹوئٹر پر اپنے پیغام میں ترجمان سندھ حکومت بیرسٹر مرتضیٰ وہاب نے کہا کہ سندھ کابینہ نے سرکاری ملازمین کی تنخواہوں میں 20 فیصد اضافے کی منظوری دے دی ہے۔
ٹوئٹر پیغام میں ترجمان سندھ حکومت مرتضیٰ وہاب نے کہا کہ صوبے میں کم از کم تنخواہ کی حد 25 ہزار روپے مقرر کی گئی ہے جبکہ نئے مالی سال 22-2021ء کے بجٹ میں کوئی نیا ٹیکس عائد نہیں کیا جائے گا۔
#Sindh Cabinet has approved an increase of 20% in the salary of Govt employees & also set the minimum wage at 25,000 in the province. No new tax is being introduced by #SindhGovt #SindhBudget
— Murtaza Wahab Siddiqui (@murtazawahab1) June 15, 2021
خیال رہے کہ وزیرِ اعلیٰ سیّد مراد علی شاہ سندھ کا بجٹ آج پیش کریں گے جس کا حجم 14 کھرب سے زائد ہونے کا امکان ہے۔
صوبہ سندھ میں سرکاری ملازمین کی تنخواہوں اور پنشن میں کتنا اضافہ ہوگا؟ اس حوالے سے سندھ کا آئندہ مالی سال 22-2021ء کا بجٹ آج پیش کیا جائے گا۔
وزیرِ اعلیٰ سندھ مراد علی شاہ 14 کھرب سے زائد حجم کا صوبائی بجٹ آج پیش کریں گے۔ اسکول ایجوکیشن کیلئے بجٹ میں 215 ارب روپے رکھنے کی تجویز زیرِ غور ہے۔
مزید پڑھیں: وزیرِ اعلیٰ سندھ کا 14 کھرب سے زائد کا بجٹ آج پیش کریں گے
