گوگل نیوز پر ہمیں فالو کریںراولپنڈی: سابق وفاقی وزیرِ داخلہ شیخ رشید احمد نے کہا ہے کہ پاکستان میں 50 کروڑ سے کم کرپشن کی کھلی چھوٹ دے دی گئی جبکہ جیلیں صرف غریبوں کیلئے بنی ہیں۔
تفصیلات کے مطابق گزشتہ روز مسلم لیگ (ن) کی نائب صدر مریم نواز کو اسلام آباد ہائیکورٹ نے کلین چٹ دے دی جس پر ردِ عمل دیتے ہوئے اپنے ٹوئٹر پیغام میں عوامی لیگ کے سربراہ نے حکومت کو تنقید کانشانہ بنایا ہے۔
نواز شریف واپس آئینگے، احتیاط کی ضرورت ہے۔خواجہ آصف
سماجی رابطے کی ویب سائٹ ٹوئٹر پر اپنے پیغام میں سابق وفاقی وزیر شیخ رشید نے کہا کہ پاکستان میں ہر کیس کے پیچھے ایک بڑا فیس (چہرہ) ہوتا ہے۔ لوگ فیس دیکھتے ہیں، کیس نہیں۔
ٹوئٹر پیغام میں عوامی لیگ کے سربراہ شیخ رشید نے کہا کہ 50 کروڑ سے کم کرپشن کی کھلی چھٹی دی گئی ہے۔ یہ مٹھائی بھی اپنے گھر میں بانٹتے ہیں۔ جہاں ہر چیز بکتی ہو، وہاں قوم نہیں بنتی۔
سابق وزیرِ داخلہ شیخ رشید احمد نے ملک میں نظامِ انصاف پر تنقید کرتے ہوئے کہا کہ عوامی حمایت کے بغیر ملک نہیں چل سکتا۔ کمیشن خور مافیا ہمیشہ این آر او لے لیتا ہے۔ جیلیں صرف غریبوں کیلئے بنی ہیں۔
پاکستان میں ہر کیس کے پیچھےبڑاfaceہوتا ہے۔ لوگfaceدیکھتے ہیں،کیس نہیں۔50کروڑ سےکم کرپشن کی کھلی چھٹی ہے۔یہ مٹھائی بھی اپنےگھرمیں بانٹتےہیں۔ہر چیزجہاں بکتی ہو،وہاں قوم نہیں بنتی۔عوامی حمایت کےبغیر ملک نہیں چل سکتا۔کمیشن خورمافیا ہمیشہNROلےلیتا ہے۔جیلیں صرف غریبوں کےلیے بنیں ہیں
— Sheikh Rashid Ahmed (@ShkhRasheed) September 30, 2022
خیال رہے کہ آج سے 2 روز قبل اپنے ٹوئٹر پیغام میں سابق وزیر داخلہ نے کہا کہ اسحاق ڈار بھی خوار ہوگا۔ الیکشن وقت سے قبل ہوں گے۔ بجلی، آٹا اور گیس عوام کا مسئلہ ہے، ویڈیو ان کی سیاست لے ڈوبے گی۔
شیخ رشید نے آڈیو لیکس پر روشنی ڈالتے ہوئے کہا کہ جو آڈیو ویڈیو کا یہ کام کرتے تھے، اس میں خود پھنس گئے ہیں۔ 15 اکتوبر سے 15 نومبر تک تمام اہم فیصلے ہوجائیں گے۔
