اسلام آباد: وفاقی وزیر برائے انسدادِ منشیات و سیفرون شہریار آفریدی نے کہا ہے کہ وزیرِ اعظم عمران خان اور اسپیکر قومی اسمبلی اسد قیصر کی ہدایت پر 237 افغان افراد کو وطن واپس بھیجا جا رہا ہے۔
سماجی رابطے کی ویب سائٹ ٹوئٹر پر اپنے پیغام میں وفاقی وزیر شہریار آفریدی نے کہا کہ 237 تبلیغی افراد وطن واپسی کے لیے تیار ہیں جبکہ باقی 167 افراد کو قرنطینہ میں رکھا گیا ہے جن کے کورونا وائرس ٹیسٹ کیے جائیں گے۔
پیغام میں وفاقی وزیر شہریار آفریدی نے کہا کہ کورونا وائرس کے ٹیسٹ کا نتیجہ منفی آنے پر باقی 167 افراد کو بھی وطن واپس بھیج دیا جائے گا۔ حکومت تمام تبلیغی افغان افراد کی وطن واپسی کے لیے اقدامات کر رہی ہے۔
وفاقی وزیر شہریار آفریدی نے کہا کہ تبلیغیوں اور زائرین کی فوری وطن واپسی کیلئے حکومت ہر ممکن اقدامات اٹھائے گی تاکہ افغان شہریوں کی وطن واپسی جلد سے جلد ممکن بنائی جاسکے۔
On instruction of PM Imran Khan & Speaker NA @AsadQaiserPTI, 237 Afghan Tableeghis r on their way back home today. Rest 167 would also be sent back once they test negative of Corona19. We r doing utmost to facilitate immediate return of Tableeghis, Zaireen to homes @ImranKhanPTI
— Shehryar Afridi (@ShehryarAfridi1) April 15, 2020