گوگل نیوز پر ہمیں فالو کریںکراچی کے علاقے محمودآباد میں ایک شخص نے اپنی بیوی کو صرف سموسہ کھانے کی فرمائش کرنے پر طلاق دے دی۔
طلاق دینے والا شخص سبزی فروشی کے پیشے سے وابستہ ہے اور ان کی شادی کو تین سال ہوچکے تھے۔ ان کے دو معصوم بچے بھی ہیں۔
پڑوسیوں کے مطابق، یہ جوڑا شروع سے ہی محبت اور ہم آہنگی کی مثال سمجھا جاتا تھا لیکن ایک معمولی فرمائش کے باعث جھگڑا بڑھا اور رشتہ ختم ہوگیا۔
یہ واقعہ پاکستان میں طلاق کے بڑھتے ہوئے رجحان کی ایک اور مثال ہے۔ ادارہ شماریات کے مطابق گزشتہ پانچ سالوں میں طلاق کی شرح میں 35 فیصد اضافہ ہوا ہے، جس کی وجہ مختلف سماجی اور معاشی عوامل بتائے جاتے ہیں۔
2024 میں بھی طلاق کی شرح میں 30 فیصد اضافہ ریکارڈ کیا گیا، جسے خواتین کی مالی خودمختاری اور بدلتے ہوئے سماجی رویوں سے منسلک کیا گیا تھا۔
ماہرین کا کہنا ہے کہ خاندانی تعلقات میں صبر و تحمل اور بہتر مواصلات کی کمی اکثر ایسے تنازعات کو جنم دیتی ہے۔ اس واقعے نے ایک بار پھر یہ سوال اٹھایا ہے کہ خاندانی نظام کو مضبوط بنانے اور چھوٹے مسائل کو تنازعے میں بدلنے سے روکنے کے لیے کیا اقدامات کیے جا سکتے ہیں۔
طلاق کے اس بڑھتے ہوئے رجحان کو روکنے کے لیے ماہرین خاندانوں کو مشاورت، تعلیم اور سماجی شعور کو فروغ دینے پر زور دیتے ہیں تاکہ معمولی اختلافات زندگی بھر کے رشتے ختم کرنے کا باعث نہ بنیں۔
