سپر ہائی وے پر ریسٹورنٹ میں ڈکیتی، مسلح ملزمان 40 لاکھ روپے لوٹ کر فرار

موسم

قیمتیں

ٹرانسپورٹ

کراچی: سپرہائی وے پر ایک ریسٹورنٹ سے 4 مسلح ملزمان 40 لاکھ روپے سے زائد رقم لوٹ کر فرار ہوگئے۔

پولیس کے مطابق واردات سائٹ سپر ہائی وے تھانے کی حدود میں ہوئی جس میں مسلح ملزمان ریسٹورنٹ میں آئے اور اسلحے کے زور پر ریسٹورنٹ کے دفتر کےعملے کو یرغمال بنا کر رقم لوٹ لی۔

ابتدائی اطلاعات کے مطابق گزشتہ رات ریسٹورنٹ کی تمام سیل صبح بینک میں جمع کرائی جانی تھی جسے ملزمان لوٹ کر لے گئے۔ ابتدائی تخمینے کے مطابق رقم 40 لاکھ روپے سے زائد ہے اور پولیس نے واردات میں مبینہ طورپر گھر کے بھیدی کے ملوث ہونے کا شبہ ظاہر کیا ہے۔

یہ بھی پڑھیں:عاشق کی مدد سے شوہر کو قتل کرنے والی سفاک بیوی کو گرفتار کرنے میں پولیس کی ٹال مٹول

پولیس ذرائع کا کہنا ہے کہ لوٹ مار کرنے والے ملزمان کی تعداد چار تھی اور اطلاع ہے کہ ملزمان نے پیٹرول پمپ پر بھی لوٹ مار کی۔

دوسری جانب خیراگلی کے مقام پر تیزرفتار بس گہری کھائی میں جاگری، جس کے نتیجے میں 8 افراد جاح بحق ہوگئے۔

آج صبح 9 بجے کے قریب ریالہ اور ملکوٹ کی دو بسیں آپس میں ریس لگا رہی تھیں جس کی وجہ سے ایک بس خیراگلی کے مقام پر تیز رفتاری کے باعث موڑ کاٹتے ہو ئے نیچے گہری کھائی میں جا گری۔

بس کے کھائی میں گرنے کے نتیجے میں ابتدائی طور پر 8 مسافروں کے جان بحق اور متعدد افراد کے شدید زخمی ہونے کی اطلاعات ہیں۔بعدازاں جائے حادثہ پر موبائل-فون سروس نہ ہونے کے باعث اس حادثے میں ہلاکتوں کی اصل تعداد کے بارے میں صحیح اطلاعات نہیں مل پارہی ہیں۔