کراچی: ترجمان سندھ حکومت بیرسٹر مرتضیٰ وہاب نے کہا ہے کہ تحریکِ انصاف اپنے ووٹرز سے جھوٹے وعدے کرتی ہے جبکہ پیپلز پارٹی کی سندھ حکومت عہد نبھاتی ہے۔
سماجی رابطے کی ویب سائٹ ٹوئٹر پر اپنے پیغام میں ترجمان سندھ حکومت مرتضیٰ وہاب نے کہا کہ آج کورونا وائرس کے ٹیسٹس کیلئے جناح پوسٹ گریجویٹ میڈیکل کالج (جے پی ایم سی) کراچی میں بی ایس ایل 3 لیبارٹری کا افتتاح کردیا گیا ہے۔
پیغام میں ترجمان سندھ حکومت بیرسٹر مرتضیٰ وہاب نے کہا کہ لیبارٹری کو سندھ حکومت کی فنڈنگ سے چلایا جائے گا جبکہ لیبارٹری کو ٹیسٹ کے نتائج حاصل کرنے کے لیے ابتدائی سیمپلز بھیج دئیے گئے ہیں۔
ترجمان سندھ حکومت بیرسٹر مرتضیٰ وہاب نے کہا کہ یہاں یہ بات قابلِ ذکر ہے کہ تحریکِ انصاف کے نمائندگان عوام سے جھوٹے وعدے کرتے ہیں جبکہ سندھ حکومت عہد نبھانے اور کام کرنے میں آگے ہے۔
Today the BSL 3 Laboratory for #COVIDー19 tests has been inaugurated at JPMC Karachi. The Lab has been exclusively funded by #SindhGovt & first samples have been placed for results today. Its very clear that PTI nominees make hollow promises & Sindh Govt actually delivers https://t.co/vmiKtohnm1 pic.twitter.com/roncT0sK5b
— Murtaza Wahab Siddiqui (@murtazawahab1) April 20, 2020