گوگل نیوز پر ہمیں فالو کریںلاہور: لاہور کے علاقے ڈیفنس فیز 4 کے نجی اسکول نے ساتھی طالبات کے تشدد کا نشانہ بننے والی طالبہ کو نکال دیا۔
لاہور کے علاقے ڈیفنس میں واقع نجی اسکول کی انتظامیہ نے تشدد کا شکار لڑکی سمیت 5 طالبات کو اسکول سے نکال دیا۔
پولیس حکام کے مطابق اسکول کی انتظامیہ پولیس کے ساتھ تعاون نہیں کررہی، واقعہ کی سی سی ٹی وی فوٹیج بھی تفتیشی افسر کو نہیں دی گئی۔ بعدازاں واقعہ کے 4 چشم دید گواہوں کے بیان قلم بند کرلیے گئے ہیں۔
کراچی، ڈکیتی اور اسٹریٹ کرائم کی 200 سے زائد وارداتوں میں ملوث ملزم گرفتار
طالبہ پر تشدد کیس میں نامزد 7 ملزمان میں پرنسپل بلال، کنٹین ملازم ناصر، حنان جتوئی، عبدالحنان، سومیت، محمد حسن اوراسماعیل شامل ہیں۔ واقعہ کی تحقیقات کے لیے محکمہ تعلیم کی جانب سے 5 افراد پر مشتمل کمیٹی بنا دی گئی ہے۔
دوسری جانب ڈسٹرکٹ ایجوکیشن اتھارٹی لاہور نے انکوائری رپورٹ مرتب کرلی، سی ای او ایجوکیشن لاہور نے انکوائری رپورٹ ڈی سی لاہور کو ارسال کردی ہے۔
ڈی سی لاہور سفارشات کی روشنی میں اسکول کی رجسٹریشن کو معطل کرنے یا جرمانے کا فیصلہ کریں گے۔
یاد رہے کہ گزشتہ دنوں لاہور کے ایک سکول میں نشہ کرنے سے روکنے پر 3 طالبات نے اپنی ساتھی پر تشدد کیا تھا جس کی ویڈیو سوشل میڈیا پر وائرل ہوگئی تھی۔
