گوگل نیوز پر ہمیں فالو کریںاسلام آباد: دنیا بھر کی طرح پاکستان میں بھی ارتھ آور منایا گیا ۔ وزیراعظم ہاؤس سمیت ملک کے پیشتر مقامات پر اضافی لائٹوں کو بند کرکے زمین سے محبت کا اظہار کیا گیا۔
پاکستان میں بھی رات 8 بجکر 30 سے 9 بجکر 30 منٹ تک اضافی روشنیاں بند کرکے ارتھ آور منایا گیا۔ارتھ آور کی مناسبت سے عمران خان کی ہدایت پر وزیراعظم ہاؤس کی لائٹس بھی ایک گھنٹے کے لیے بجھا دی گئیں۔
سیکورٹی نقطہ نظر کے تحت ارتھ آور کے دوران بھی ملک کے مختلف مقامات پر اہم لائٹس جلتی رہیں تھیں۔
واضح رہے کہ آج کی دن کی مناسبت سے وزیر اعظم عمران خان نے اپنے پیغام میں کہا تھا کہ ماحولیاتی بہتری موجودہ حکومت کی اوّلین ترجیحات میں شامل ہے، انھوں نے قوم سے اپیل کی کہ صاف اور آلودگی سے پاک ماحول کے لیے حکومت کا بھرپور ساتھ دیں۔
Under PM @ImranKhanPTI‘s leadership, Pakistan has become an active participant in climate-friendly initiative. On direction of the PM, the electric lights of the Prime Minister Office were turned off at 8:30 pm to reiterate commitment to nature.#EarthHour2021 #EarthHour pic.twitter.com/obJ1HYw9iZ
— Prime Minister’s Office, Pakistan (@PakPMO) March 27, 2021
ترجمان ڈبلیو ڈبلیو ایف کے مطابق سب سے پہلے ارتھ آور سڈنی میں 2007 میں منایا گیا تھا تاہم اس تحریک کا باقاعدہ آغاز 2009 سے شروع ہوا تھا۔
یہ بھی پڑھیں : ایک گھنٹہ غیر ضروری آلات بجلی بند رکھیں زمین سے اپنی محبت کا ثبوت دیں
