کراچی: جمعیت علمائے اسلام ضلع غربی کے تحت ورکرز کنونشن 25جنوری کو ہوگا، کنونشن سے صوبائی جنرل سیکریٹری علامہ راشد محمود سومرو ودیگر مرکزی وصوبائی رہنماء خطاب کریں گے۔
کنونشن کے حوالے سے جے یوآئی ضلع غربی نے تیاریاں مکمل کرلیں، بلدیاتی انتخابات میں حیران کن نتائج دیں گے،جے یوآئی مفتی خالد کی قیادت میں ضلع غربی میں نئی تاریخ رقم کرے گی۔
جمعیت علمائے اسلام ضلع غربی کے سیکریٹری اطلاعات قاری عبداللہ بسمل کے مطابق جے یوآئی ضلع غربی کے تحت متوقع بلدیاتی الیکشن کے سلسلے میں عظیم الشان ورکرز کنونشن 25جنوری 2022 بروز منگل کو سلیبریشن لان نزد نیاناظم آباد میں ہوگا۔
قاری عبداللہ بسمل کے مطابق تیاریاں اور انتظامات تیزی سے جاری ہیں، کنونشن میں جمعیت علماء اسلام کراچی کی پوری قیادت سمیت صوبائی اور مرکزی رہنماء بھی شریک ہونگے، ڈور ٹو ڈور دعوتی مہم جاری ہے۔
مزید پڑھیں: سرکاری وسائل سے لوگوں کے ضمیر خریدنے کی کوشش کی جارہی ہے، مولانا فضل الرحمان