گوگل نیوز پر ہمیں فالو کریںپاکستان پیپلز پارٹی نے پنجاب میں مذہبی سیاسی جماعت تحریک لبیک پاکستان (ٹی ایل پی) کی اہم وکٹیں اڑا دیں۔
گورنر ہاوس لاہور میں گورنر پنجاب سردار سلیم حیدر خان کے ہمراہ بلاول بھٹو سے ملاقات میں تحریک لبیک کے ٹکٹ ہولڈر پی پی 4 ملک امانت راول اور ٹکٹ ہولڈر پی پی 5 سید عاطف حسین شاہ گیلانی نے ساتھیوں سمیت پیپلز پارٹی میں شمولیت اختیار کر لی۔
اس موقع پر گورنر پنجاب سردار سلیم حیدر کا کہنا تھا کہ پیپلز پارٹی کو پنجاب میں نئے جذبے اور ولولے سے متحرک کردیا گیا ہے چیئرمین بلاول بھٹو زرداری نے نئے شامل ہونے والے رہنماؤں کو پیپلزپارٹی میں شمولیت پر خوش آمدید کہا، گورنر پنجاب کا کہنا تھا کہ بلاول بھٹو زرداری پیپلز پارٹی کے کارکنوں کو تنہا نہیں چھوڑیں گے۔
گورنر پنجاب سردار سلیم حیدر نے کہا کہ پاکستان کے عوام خاص طور پر نوجوان قیادت چیئرمین بلاول بھٹو زرداری کو وزیراعظم پاکستان بنائیں گے۔ پیپلزپارٹی آئندہ جنرل الیکشن میں پنجاب سمیت پورے پاکستان میں واضح اکثریت حاصل کرے گی۔
